Бат-Эрдэнэ.Б 2020.01.07 | Vip76.mn

Б.Бат-Эрдэнэ: Хэнтийг хариуцлагагүй уул уурхайгаас хамгаалахын төлөө нутгийн иргэд нэгдэж чадсан

УИХ-ын БОХХААБХ-ны өнөөдрийн /2020.01.07/ хурлаар Зарим газар нутгийг улсын тусгай хамгаалалтад авах, хилийн заагт өөрчлөлт оруулах тухай тогтоолын төслийг хэлэлцэж байна.

Уг тогтоолын төсөлд шинээр болон өргөтгөлөөр 9 газрыг Улсын тусгай хамгаалалтад авах тухай заалт орсон юм. Ингэснээр Улсын тусгай хамгаалалттай газар нутаг  1.2 сая га буюу 0.83 хувиар нэмэгдэх тооцоо гарчээ.

Энэ үеэр УИХ-ын гишүүн Бат-Эрдэнэ

Засгийн газраас Чингис хааны төрж мэндэлсэн өлгий нутгийг хамгаалах чиглэлээр УИХ-ын тогтоолын төслийг оруулж ирж байгаа явдалд баяртай байна. Гутайн даваа, Хэнтийн нуруу, Хан Хэнтийн газар нутгийг хариуцлагагүй уул уурхайгаас хамгаалж үлдэхийн төлөө бид олон жил зүтгэж тэмцэж ирсэн. Хэрлэнгийн Хөдөө Аралийг хамгаалахын тулд малчидтайгаа хамтарч өрөмнийх нь доор орж хэвтэхээр хэмжээнд байж байж бид хамгаалж үлдсэн. 

Хэнтий аймгийн хойд талд Ононгийн эхэн дээр байгаа Батширээт, Биндэр сумын зааг нутаг Гутайн давааны орчмын газрыг тусгай хамгаалалтад авах хэрэгтэй. Монгол Улсын  аялал жуулчлалын гол бүс Хэнтий гээд зарлачхаад байдаг тэнд ажил хийгээд бүтээн байгуулалт явагдаад байдаг гэтэл лицензийг нь олгочихсон байдаг. Тиймээс бодлогоо уялдуулах шаардлагатай.