УИХ-ын чуулганы өнөөдрийн /2020,01,08/ нэгдсэн хуралдаан гишүүдийн 50.7 хувийн ирцтэйгээр эхэллээ. Хуралдаанаар Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төслийг хэлэлцэх эсэх асуудлыг хэлэлцэж байна.

Энэ үеэр УИХ-ын гишүүн О.Баасанхүү

Тэтгэврийн зээлийг зогсоож, гурван сараар хүүгүй урьдчилан авах боломжтой талаар ярьж байна. Одоо цагаан сарын өмнө тэтгэвэр авч байгаа 400 мянган ахмадуудаас 200 мянга нь 3 сараар зээл авна гэвэл ийм боломж, хөрөнгө байгаа юм уу?  Хөгжлийн банк бонд босгоход оролцож байгаа нь хууль зөрчиж байна уу? 

Салхитын мөнгөний ордыг Эрүүгийн цагдаагийн газрын мэдээлэлд тулгуурлан ярьж байна лээ. Хуулийн маргаан нь дуусаагүй байгаа юм биш үү? Зээлтэй иргэдийн зээлийг тэглэж байгаа чинь ялгаварлаж байгаа хэрэг. Хүүхдүүд залуусаа болъё гэхэд ахмадууддаа ядаж ялгаварлалгүй өгөөч.  Банкуудад байдаг эрсдлийн сан зээлдэгч нас барсан тохиолдолд хаадаггүй юм уу? Бондыг чинь хэн худалдаж авах юм бэ?

УИХ-ын гишүүн С.Чинзориг: Амьжиргаанд нэмэр болохоос илүү дарамт болж байгаа тэтгэврийн зээлийг зогсоох нь зүйтэй гэсэн бодолтой байгаа. Тиймээс зогсоож, өөр бүтээгдэхүүн гаргах нь зүйтэй гэж чиглэл өгч байна. Тэтгэврийн зээлийн хугацааг багасгах эсвэл гурван сараар хүүгүй урьдчилан авах гэсэн саналууд бий. Арилжааны банкуудтай ярилцаж байна. ҮАБЗ-ийн зөвлөмжийн хүрээнд тэтгэврийн зээлийг тэглэж байгаа учраас ялгаварлаж байна гэж бодохгүй байна. Судалгаагаар найман тэрбум төгрөгийн эрсдэлтэй зээл байгаа бөгөөд дийлэнх нь зээл авагч нас барсан байгаа юм. Тиймээс зээлдэгч нас барсан бол үр хүүхдэд нь үлдээхгүй тэглэнэ гэсэн заалт бий. БНХАУ-ын тал лицензтэй холбоотой нэхэмжлэл гаргасан ч хүлээж аваагүй учраас маргаангүй гэж ойлгож болно. 

Монголбанк: Эрсдлийн сангаас хадгаламж эзэмшигч нартай холбоотой эрсдлийг хамгаалдаг. Зээлдэгчтэй холбоотой эрсдлийг төлдөггүй. 

Эрдэнэс силвер ресурс ХХК: Та хуучин компанийн хуулийн маргааныг хольж яриад байх шиг байна. Манайд хуулийн маргаан байхгүй.