Улсын Их Хурлын чуулганы өнөөдрийн (2020.01.16) хуралдаанаар Усны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн “Тогтоолын хавсралтад нэмэлт оруулах тухай” Улсын Их Хурлын тогтоолын төслийг /Засгийн газар 2019.09.25-ны өдөр өргөн мэдүүлсэн/ хэлэлцлээ.

Энэ үеэр УИХ-ын гишүүн Л.Энхболд

Гишүүдийн өргөн барьсан болон Засгийн газрын өргөн барьсан хуулийн төслүүдийг хамтад нь хэлэлцээд явъя гэсэн тусдаа ороод ирлээ. Гишүүдийн барьсан хуулийн төслийг байнгын хороо яаралтай оруулж ирж намрын чуулган завсарлахаас өмнө хэлэлцэж батлах шаарлага байна. Засгийн газрын 26 дугаар тогтоолд өөрчлөлт оруулмаар байна. Үнэхээр Оюутолгойн компаниас авч байгаа усны төлбөртэй холбоотой асуудал байгаа.

Салбарын яам байгаль орчны төлөө ажиллаж байгаа бол 60 хувийн төлбөр авмаар байна. Монгол Улсын нийт усны нөөцийн 1.9 хувийг гүний ус эзэлдэг. Гэтэл уул уурхайд ашиглаж байгаа усны хэрэглээний 80 хувийг газрын доорх уснаас бүрдүүлж байна. 10-15 хувийг хөв цөөрөм үүсгэх замаар бүрдүүлэх боломжтой гэсэн. Хэрлэн гол төсөл, Орхон гол төслүүд хэзээ хэрэгжих вэ? Орхон, Онги төслийг яаравчилъя. Эдгээр төслийг эрчимжүүлэхгүй бол газрын гүний ус дуусах гээд байна.

Усны агентлаг байгуулах гэж байгааг дэмжиж байгаагаа дахин илэрхийлмээр байна. Гадаргын усны менежментийг даруй эхлүүлээрэй. Газрын доорх усны ашиглалт 80 хувьтай байна. Олон улсад бол 20 газрын доорх усныхаа 20 хувийг ашигладаг шүү.