Л.Энхболд 2020.01.23 | Vip76.mn

Л.Энхболд: Төрийн үйлчилгээний албаны удирдах албан тушаалтнууд зургаан сарын өмнө ажлаа өгдөг заалтыг бүр хасах хэрэгтэй

УИХ-ын чуулганы өнөөдрийн /2020.01.23/ хуралдаанаар, Улсын Их Хурлын гишүүн Л.Энх-Амгалан нарын гурван гишүүнээс  2019 оны 12 дугаар сарын 03-ны өдөр өргөн мэдүүлсэн Аймаг, нийслэл, сум, дүүргийн иргэдийн Төлөөлөгчдийн хурлын сонгуулийн тухай хуулийн төсөл болон хамт өргөн мэдүүлсэн Аймаг, нийслэл, сум, дүүргийн иргэдийн Төлөөлөгчдийн хурлын сонгуулийн тухай хуулийг дагаж мөрдөх журмын тухай хуулийн төслийг хэлэлцлээ.

Энэ үеэр УИХ-ын гишүүн Л.Энхболд

Орон нутгийн сонгуульд орж байгаа нэр дэвшигчид 6 сарын өмнө ажлаасаа чөлөөлөгдөх болчихоод байна. Сум орон нутаг аймагт бол үйлчилгээний болон төрийн захиргааны ажлын байрууд хоосорч үүрэг гүйцэтгэгч нар болох гээд байна. Тийм учраас энэ найман сарын нэгэн гэдэг ажлын хэсгийн саналыг босгож өгөөч гэж хүсч байна. 29.4.2-ыг бүр хасчихмаар байна.

Төрийн үйлчилгээний албаны удирдах албан тушаалтан гээд Сургууль цэцэрлэг эмнэлгийн удирдах албан тушаалтнууд 6 сарын өмнөөс удирдлагагүй болж ажил цалгардах гээд байна. Үүнийг эцсийн хэлэлцүүлэг дээр анхаарч өгөөч гэж хүсч байна.