УИХ-ын чуулганы өнөөдрийн /2020.01.24/ нэгдсэн хуралдаанаар, Гэр бүлийн тухай хуулийн шинэчилсэн найруулгын \2019.04.09-ны өдөр өргөн барисан\ төслийг хэлэлцэж байна. 

Энэ үеэр УИХ-ын гишүүн Н.Амарзаяа

Боловсролын тогтолцоогоор дамжиж малчны гэр бүлийн асуудал тулгамдсан асуудлын нэг болоод байгаа. Энэ юу гэхээр 6-8 настай хүүхдийн боловсролын асуудал. Эхнэр нь хүүхдээ аваад сум, аймгийн төвд байж нөхөр нь хөдөө малаа харж үлдсэнээр гэр бүлүүд холдож байна. Хүүхдийн насыг 7 болгох тал дээр ярилцсан зүйл бий юу? 

Суманд сурагчдын дотуур байранд 6 настай нялх хүүхдийг байрлуулж ажиллах  байлгах орчин нөхцөл бий юу? Дотуур байранд нэг л багш байдаг тэр багш бүх хүүхдэд эцэг эх шиг нь байж халамжилж ажиллаж чадах уу? Дотуур байр ганц багштай байж ерөнхий боловсролын сургуулийн багшаас бага цалин авдаг. Багшид туслах хүүхдүүдэд хүрч ажиллах үүднээс асран хамгаалагч ажиллуулах хэрэгтэй. Дотуур байрын багшийн цалин хангамж тал дээр анхаарах хэрэгтэй. 

Олон нийтийн хэвлэл мэдээлэл сошиал орчинд гэр бүлийн талаар буруу ойлголт төрүүлэх олон контент нийтлэгддэг. Энэ тал дээр анхаарсан уу?