Бат-Эрдэнэ.Б 2020.01.30 | Vip76.mn

Б.Бат-Эрдэнэ: Хүний амь нас эрсдэж, эрүүл мэндээрээ хохирч байхад хайхарч арга хэмжээ авч байгаа албан тушаалтан байхгүй болчихсон

Улсын Их Хурлын  чуулганы өнөөдрийн /2020.01.30/ хуралдаанаар Барилгын аюулгүй байдал, эрүүл ахуйн тухай 1988 оны 167 дугаар конвенцыг соёрхон батлах тухай хуулийн төслийг хэлэлцэж байна. 

Энэ үеэр УИХ-ын гишүүн Б.Бат-Эрдэнэ

Манай улсад барилгын салбарт хөдөлмөр эрхэлж байгаа иргэд  амь нас эрүүл мэндээ алдах, үйлдвэрлэлийн осолд орох асуудал маш их гарч байгаа. Энэ асуудал дээр танай яам ямар арга хэмжээ авч хэрэгжүүлж ирсэн бэ? Танилцуулган дээр маш олон тоо баримт дурдсан байна. Хамгийн наад захын жишээ бол Болороо гэх бүсгүй. Сүхбаатарын талбай дээр өчнөөн хоног асуудал тавьж суусан. Тэр бүсгүйн нөхөр барилгын аюулгүй байдлын улмаас амь насаа алдсан. Энэ бол харамсалтай нэг жишээ.

Хүний амь нас эрсдэх, эрүүл мэндээрээ хохирох цаашилбал хүний эрх эрх чөлөө зөрчигдөхөд  хайхарч байгаа тоож арга хэмжээ авч байгаа албан тушаалтан байхгүй болчихсон. Танай яам салбарынхаа хүрээнд энэ асуудал дээр ямар арга хэмжээ авч ажиллав. Осол эндэгдлийг тоо баримтаар дурдаад бидэнд танилцуулга ирүүлэх  нэг асуудал. Яг ажил авахаас өмнө ийм түвшинд байлаа энэ хугацаанд бид хууль эрх зүйн хувьд бусад арга хэмжээ авч ажилласны үр дүнд ийм үр дүнд гарлаа гэсэн тодорхой тоо баримт надад хэлж чадах уу? 

Түүний асуултанд Барилга хот байгуулалтын сайд Х.Баделхан хариулав.