УИХ-ын чуулганы өнөөдрийн \2020.01.31\ нэгдсэн хуралдаанаар Өвөрхангай аймгийн Арвайхээр, Тарагт сум, Баян-өлгий аймгийн Өлгий, Бугат сумын хилийн цэсэд өөрчлөлт оруулах тухай тогтоолын төслийг хэлэлцлээ. 

Энэ үеэр УИХ-ын гишүүн О.Баасанхүү

Нас барсан хүнээ хөдөөлүүлэх газар байдаггүй. Иргэдийн амьдарч байгаа хашаатай бараг нийлчихсэн. Тэгсэн хэрнээ Бугат, Хялганат гээд сумын иргэд Эрдэнэтээс үйлчилгээ авч үр хүүхэд нь Эрдэнэтэд сурч ажилладаг. Жаргалант сум ногоо тарих, малаа бэлчээх газар байхгүй. Булганы эсвэл Сэлэнгийн сум руу орчихсон байдаг. Манай Эрдэнэт бол Өвөрхангайгаас илүү асуудалтай газар. Яагаад орж ирсэнгүй вэ? 

5 сарын 12-нд шинэ Үндсэн хууль батлагдаад Эрдэнэт хот болсон байгаа. Орхон аймаг биш Эрдэнэт хот болсон учраас эдэлбэр газраа авна. Булганыхан Бугат Хялганатаа өгөх дургүй. Засгийн газарт хандаад энэ 2 сумыг Эрдэнэтэд өгөөд газар нутгийг нь өргөтгөе гэхээр дургүйцээд байдаг. Монгол Улсын газар нутгийг аваад өөр улс болгох гээгүй. Нэг л нутаг дэвсгэр дээр амьдарч байгаа Монголчууд. 

Шинэ үндсэн хуулиар Эрдэнэт тусдаа хот болно.