УИХ-ын чуулганы өнөөдрийн \2020.01.31\ нэгдсэн хуралдаанаар Өвөрхангай аймгийн Арвайхээр, Тарагт сум, Баян-өлгий аймгийн Өлгий, Бугат сумын хилийн цэсэд өөрчлөлт оруулах тухай тогтоолын төслийг хэлэлцлээ. 

Хэлэлцүүлгийн үеэр УИХ-ын гишүүд асуулт асуулаа. 

УИХ-ын гишүүн А.Сүхбат

2 аймгийн 4 сумын нутаг дэвсгэрийн асуудал орж ирж байна.  Дараа дараагийн, асуудал дэгдээд байгаа газруудын асуудлыг хэзээ оруулж ирэх вэ? Зарим сум орон нутгийн хилийн цэсийг өөрчилж байна. Зарим нь нөөц газар, цогцолбор газар, дархан цаазат газрын ангиллаар байдаг. Байгаль орчны яамны саналыг авсан уу?

Аймаг сумдын хилийн цэсийг өөрчлөхөд тухайн орон нутгийн малчдын хооронд асуудал үүсдэг. Малчдын өвөлжөө хаваржааны асуудлыг яаж шийдэх вэ? Отрын бүсийн нутгийн асуудлыг би хөндөж тавьна. Тухайн бүс нутагт нутгийн уугуул иргэдийн эрх ашиг хөндөгддөг.  2 аймгийн 5 сумын ард иргэд энэ асуудлыг үргэлж ярьдаг.