Гарьдхүүгийн Баярсайхан гэхээр Чингэлтэй дүүргийн зон олон андахгүй. Тэрээр 2008-2016 онд буюу 8 жилийн хугацаанд тус дүүргийн ард олныг төлөөлж УИХ-д сонгогдон ажилласан. Энэ хугацаандаа сонгогчдынхоо төдийгүй Монголын ард олонд ээлтэй олон чухал хууль бие даан санаачлан батлуулсан бөгөөд 20 гаруй хуулийг хамтран санаачилж батлуулсан байдаг.

Г.Баярсайхан 2012-2016 онд хамтарсан Засгийн газар гэж байх үеэс эхлэн Монгол Улсын Их Хурлыг эрүүл байлгах гэж хичээж дуу шуутай, хэлэх үгтэй ажиллаж чадсан нэгэн. Өөрөөр хэлбэл тухайн үед Ардчилсан нам засагт хамтарч байсан ч шүүмжлэлтэй хандах асуудал бүрийг дуугүй өнгөрөөх бус сөрөг буюу цөөнхийн байр сууриас хандаж чадсан хүчтэй гишүүний нэг байсан. Жишээлбэл, Оюутолгойн гэрээг хамгийн хүчтэй шүүмжилж байсан гишүүн бөгөөд Оюутолгойн 51 хувийг монголчууд авах ёстой гэсэн байр суурин дээр хатуу зогсож байсныг нь сонгогч түмэн төдийгүй монголын ард түмэн мартаагүй.

Ардчилсан намын тухайд бусад улс төрийн намуудыг бодвол дотоод ардчилал сайтай, намын гишүүд нь бүлэг, фракцид хуваагдаж хоорондоо хүчтэй маргаж, аливаа асуудлыг аль болох олон талаас нь авч үзэж, шийдвэр гаргаж чаддаг онцлогтой нам. Г.Баярсайханы хувьд “Шонхор” фракцийн гишүүн бөгөөд энэ фракц бол Ардчилсан хүчний холбоо гээд төрийн бус байгууллагаас үүсэлтэй. Фракцийн залуус өөрсдийн үзэл баримтлалаа хамгаалж олон асуудалд шүүмжлэлтэй хандаж чаддаг бөгөөд намын удирдлагуудынхаа алдаа мадагийг хатуухан шүүмжилж, байр суурин дээрээ бат зогсож чаддаг байв. Ийм ч учраас Г.Баярсайхан өөрийн санаа бодол нийлдэг залуусынхаа хамтаар Ардчилсан нам дотор тус фракцийг үүсгэн байгуулж үнэн шударгын төлөө тууштай тэмцэж, үзэл бодлоо чөлөөтэй илэрхийлж чаддаг намын шилдэг боловсон хүчний нэг гэсэн тодотголоо хамгаалж чаддаг.

Өнөөдрийг хүртэл тэрбээр өөрийн шударга, ардчилсан үзэл бодолдоо үнэнч байгаа бөгөөд фракциас фракцийн хооронд үсэрдэггүй, нам сольж далбалздаггүй тулхтай, тууштай Ардчилсан намын гишүүдийн нэг хэвээр яваа.

Ардчилсан намын тулхтай, тууштай гишүүдийн нэг Гарьдхүүгийн Баярсайхан