Ж.Ганбаатар 2020.02.14 | Zaluu.mn

УИХ-ын гишүүн Ж.Ганбаатар гурав дахь хавдартайгаа тэмцэж буй Б.Мөнхтуяатай уулзжээ

УИХ-ын гишүүн Ж.Ганбаатар гурав дахь хавдартайгаа тэмцэж буй Б.Мөнхтуяатай уулзжээ

Гурав дахь хавдартайгаа тэмцэж буй Б.Мөнхтуяа бүсгүй Монголчуудын сайхан сэтгэлийн хандив тусламжаар, мөн өөрийн бүтээсэн "Шидэт хуудас" номоо борлуулсан орлогоороо БНСУ-д эхний ээлжийн эмчилгээндээ ороод буй. 

Тэрбээр “Оргил” худалдааны төвд 10 гаруй жил ажилласан талаараа хэвлэлүүдэд ярьсан бөгөөд олон нийт энэхүү бүсгүйн талаар “Оргил” худалдааны төвийн эзэн, УИХ-ын гишүүн Ж.Ганбаатарт мэдэгдэх юмсан хэмээн шэйр хийцгээж байв. Харин олон нийтийн хүслийг биелүүлж, УИХ-ын гишүүн Ж.Ганбаатар БНСУ-д эмчлүүлж буй Б.Мөнхтуяа бүсгүйтэй очиж уулзсан байна.

Б.Мөнхтуяа энэ талаар “Ямар гоё сэтгэл хөдөлгөсөн өдөр вэ. Хэн ирсэн гээч. Манай Ганбаа захирал маань буюу Улсын Их Хурлын гишүүн Ж. Ганбаатар ирлээ. Хаа байсан Солонгос улсад ирэхдээ ингээд хүрээд ирдэг  Оргил худалдааны төвд энэ мундаг хүний удирдлаганд 10 жил гаран ажиллахдаа маш их зүйлийг сурч мэдсэн дээ. Загнуулахдаа загнуулж, магтуулахдаа магтуулж, шагнуулахдаа шагнуулж явсан он жилүүд минь. Одоо би 34 настай. Гуравны нэг хугацаанд нь Оргил худалдааны төв гэх хоёрдох гэртэй салшгүй холбоотой байжээ 

Надад маш их урам зориг өгч “Харин ч сэтгэл санаа чинь сайхан байна. Бууж өгч болохгүй шүү. Хичээнэ шүү” гэж хэлээд, чамгүй мөнгөн тусламж үзүүлээд, сайхан дотно яриа өрнүүлээд явлаа. Миний хувьд баярын нулимстай, сэтгэл догдлуулсан сайхан өдөр байна.” хэмээн бичжээ.

Түүний "Шидэт хуудас" ном  7000 ширхэг бэлэн байгаа бөгөөд худалдан авахыг хүсвэл  88024457, 88018046 дугаарт холбогдоорой.