УИХ-ын гишүүн Н.Учрал УИХ-ын даргын захирамжаар байгуулагдсан Төрөөс тэтгэврийн шинэчлэлийн талаар баримтлах бодлогын хэрэгжилтийг шалгаж, цаашид хэрэгжүүлэх арга хэмжээний талаар санал, шийдвэрийн төсөл боловсруулах үүрэг бүхий ажлын хэсгийг ахлан ажиллаж байгаа билээ. Ажлын хэсэгт УИХ-ын гишүүн Б.Баттөмөр, Л.Мөнхбаатар, Б.Саранчимэг, З.Нарантуяа нар ажиллаж байна.

"Тэтгэврийн шинэчлэл" хийх ажлын хэсгийн гишүүд “Хувийн тэтгэврийн тухай хуулийн төсөл"-ийн концепцоо ярилцаж, санал солилцлоо.

Уулзалтын үеэр хувийн тэтгэврийн сангуудад тавигдах шаардлага, засаглалыг тодорхой хуульчлах, мөн хадгаламж зээлийн хоршоод шиг иргэдийн хөрөнгийг шамшигдуулсан байдлыг давтахгүйн тулд яах вэ? гэдэг тал дээр сайтар ярилцлаа. Үүний үр дүнд компанийн засаглалыг хуульд тодорхой тусгах, аливаа этгээд хувийн тэтгэврийн санд эзэмших хувь хэмжээний дээд хязгаарыг хуульчлах, хувийн тэтгэврийн санг байгуулах хөрөнгийн доод хэмжээг тогтоох асуудлуудыг тал бүрээс нь хөндөж ярилцсан юм. Эдгээр асуудлуудыг боловсруулж буй хуулийн төсөлдөө тусгахаар тогтлоо.

Тэтгэврийн шинэчлэл хийх ажлын хэсэг уулзлаа

Тэтгэврийн шинэчлэл хийх ажлын хэсэг уулзлаа