У.Хүрэлсүх 2020.02.25 | Montsame.mn

Ерөнхий сайд У.Хүрэлсүх Монгол-Японы хооронд үйлдэж буй нислэгийг цуцлах чиглэл өгчээ

Ерөнхий сайд У.Хүрэлсүх Монгол-Японы хооронд үйлдэж буй нислэгийг цуцлах чиглэл өгчээ

Монгол Улсын Ерөнхий сайд У.Хүрэлсүх УОК-ын дарга, Шадар сайд Ө.Энхтүвшин болон Зам, тээврийн хөгжлийн сайд, Эрүүл мэндийн сайд нарт халдварт өвчнөөс урьдчилан сэргийлэх хүрээнд Монгол Японы хооронд үйлдэж буй нислэгийг цуцлах, бусад арга хэмжээг цаг алдалгүй авахыг үүрэг болголоо. Энэ дагуу маргааш буюу энэ сарын 26-нд УОК хуралдаж тодорхой шийдвэр гаргах юм.

Хамгийн сүүлийн мэдээллээр, Япон Улсад шинэ коронавирусний халдварын 160 тохиолдол бүртгэгдэж, нэг хүн нас барсан байна. Харин Diamond Princess аяллын хөлөг онгоц дээр халдварын 691 тохиолдол бүртгэгдэж, 4 хүн нас баржээ.

БНСУ-д шинэ коронавирусний халдвар хурдацтай тархаж буйтай холбогдуулан УОК-ын энэ сарын 24-ний хуралдаанаар Монгол Улс, БНСУ хооронд үйлдэж буй бүх нислэгийг 3 дугаар сарын 2-ны өдрийг дуустал зогсоох шийдвэр гаргасан юм.