Б.Энх-Амгалан 2020.03.11 | shuurhai.mn/

Эрсдэлт бүлгийн иргэдээ Москва, Турк, Япон, Солонгосоос тусгай үүргийн онгоцоор авчирна

Эрсдэлт бүлгийн иргэдээ Москва, Турк, Япон, Солонгосоос тусгай үүргийн онгоцоор авчирна

Монгол Улсад шинэкоронавирусийн халдвар илэрсэнтэй холбоотойгоор Улсын онцгой комисс өчигдөр хуралдаж, Монгол Улс, Оросын Холбооны Улс, Бүгд Найрамдах Казахстан Улс, Бүгд Найрамдах Турк Улс хоорондын хоёр талын нислэгийг 2020 оны 03 дугаар сарын 11-ний 12.00 цагаас 2020 оны 03 дугаар сарын 28-ны өдрийг дуустал зогсоохоор шийдвэрлэсэн. 

Харин энэ өдрүүдэд эх орондоо ирэхээр төлөвлөж, билет захиалсан, авсан, визийн хугацаа дууссан, ирэхээр замдаа явж байсан иргэд хүнд байдалд ороод байгаа юм. 

Эдгээр иргэний талаар Засгийн газрын хуралдаанаар хэлэлцжээ. Энэ талаар ЗТХ-ийн сайд Б.Энх-Амгалан

"Өнөөдөр Аэрофлот"-ын онгоц 06.40-д Улаанбаатар хотод буусан. Ингээд Монгол Улс руу ирэх ОУ-ын нислэг зогссон. Одоо Москва, Турк, БНСУ, Япон чиглэлд ГХЯ-аараа дамжуулаад, иргэдээ өөрсдийн МИАТ-ээрээ авахаар төлөвлөж байна. Тиймээс нэн түрүүнд өндөр настай, жирэмсэн, нялх хүүхэдтэй, хагалгаа эмчилгээнд орсон, хөгжлийн бэрхшээлтэй иргэдээ татаж авахаар тооцож байна. МУ бүх иргэдээ татаж авна. Гэхдээ бололцоо боломжоороо энэ ажлыг хийнэ. Яг одоо бүгдийг нь татаж авах бололцоо боломж байхгүй. Коронавирусийн нөхцөл байдал гайгүй болохоор нислэгүүдээ сэргээнэ. Түр хязгаарлаж байгаа болохоос хилээ хаачихсан юм биш. Хилээр ачаа тээвэр явж байгаа" гэв.