МАН 2020 оны сонгуульд оролцох мөрийн хөтөлбөрөө Үндэсний аудитын ерөнхий газар хүргүүллээ. Өчигдөр МАН Бага хурлаа онлайнаар зохион байгуулж, мөрийн хөтөлбөрөө баталсан билээ.

МАН-ы мөрийн хөтөлбөр боловсруулах ажлын хэсгийн ахлагч Л.Оюун-Эрдэнэ: "МАН-ын хөтөлбөр үндсэндээ “Алсын хараа 20-50” Монгол Улсын урт хугацааны хөтөлбөрийн эхний дөрвөн жил гэж ойлгож байна. “Алсын хараа 20-50” хөтөлбөрийг нэг жилийн хугацаанд 1500 гаруй эрдэмтэн судлаач оролцон боловсруулсан. Төрийн болон ТББ, хувийн хэвшил нийлсэн 3002000 иргэн давхардсан тоогоор санал өгсөн. УИХ-аар хэлэлцэн батлуулахаар өргөн барьсан.

Мөрийн хөтөлбөр бол мөрөөдлийн жагсаалт биш учраас тооцоо судалгаатай боловсруулсан. Дэлхий даяар тархаж байгаа коронавирусийн давагдашгүй хүчин зүйл дэлхий дахинд хэрхэн нөлөөлөх вэ, ирэх жилүүдэд төлөгдөх өрүүд байна. Дараагийн дөрвөн жил ч өрийн дарамттай байна. Энэ бүх зүйлийг үндэслэж илүү бодитой байх хөтөлбөр боловсруулсан.

Дундаж орлоготой иргэдийг дэмжих, тэр дундаа орон сууц, зээлийн дарамтыг багасгах тал дээр энэ удаагийн мөрийн хөтөлбөр зонхилж байгаа. Хуримтлалын нэгдсэн сангийн тогтолцоо руу орох, засаглалын шинэчлэл хийх гэх мэт зүйл дээр үндэслэсэн мөрийн хөтөлбөрөө хуулийн дагуу Аудитын ерөнхий газарт өргөн барьж байна. Сонгуулийн сурталчилгаа нээгдэх үед товхимол маягаар олон нийтэд хүрнэ.

Мөн 2016-2020 оны сонгуулийн мөрийн хөтөлбөрийн хэрэгжилт тодорхой үр дүнтэй байна гэж үзэж байгаа. Улаанбаатарын утаа эрс багассан. Сургууль, цэцэрлэгийн хувьд том хэмжээний хөрөнгө оруулалт хийлээ. Олон жил дуншсан эдийн засгийг солонгоруулах зорилт биелж, төмөр замын бүтээн байгуулалтад манай зэвсэгт хүчнийхэн оролцож байна. Нефтийн үйлдвэрийн бүтээн байгуулалт эхэлсэн.

Сүүлийн 30 жилд мэдэгдэхгүйц үр дүнтэй он жил байлаа. Мөрийн хөтөлбөр 85.3 хувьтай хэрэгжиж байна гэж үзсэн. Эрчим хүч болон дэд бүтцийн хийгдэж чадаагүй ажлууд мөн бий" гэлээ.

Л.Оюун-Эрдэнэ: 2016-2020 оны мөрийн хөтөлбөр 85.3 хувьтай хэрэгжиж байна