Б.Бат-Эрдэнэ 2020.04.07 | Vip76.mn

Б.Бат-Эрдэнэ: УИХ-ын гишүүд хариуцлагатай байж цагаа барих хэрэгтэй

Улсын Их Хурлын чуулганы өнөөдрийн (2020.04.09)  хуралдаанаар Монгол Улсын Их Хурлын чуулганы хуралдааны дэгийн тухай хуульд нэмэлт оруулах тухай хуулийн төсөл болон хамт өргөн мэдүүлсэн Хууль тогтоомжийн тухай хуульд өөрчлөлт оруулах тухай хуулийн төслийн хэлэлцэх эсэх асуудлыг хэлэлцэж дэмжлээ.

Энэ үеэр УИХ-ын гишүүн Б.Бат-Эрдэнэ

Онцгой нөхцөлд их хурал хуралдаж байгаа бол цагаа барьмаар байна. Өнөөдөр гэхэд 30 минут хоцорч эхэллээ. Дээр дооргүй хүн бүр хичээж ажиллаж байхад УИХ-ын гишүүд бидний оруулах хувь нэмэр бол хариуцлагатай байж цагаа барих явдал юм.

Би 2 сарын 19-нд яг энэ танхимд АБГББХ хуралдаж байхад ч энэ байр сууриа илэрхийлж байсан. Хуралдаа цагтаа ирээгүй хүмүүсийг ирцэнд тооцохгүй байх, үг хэлэх эрхийг хасах гэх мэт тодорхой хуульчилж өгмөөр байна. Хамгийн гол зүйл бол ирц.

Засгийн газар, УОК асуудал хариуцаж байгаа хүмүүс шууд хариулт өгөх хамгаалалт хийхийг бодохоос илүү хаанаас юу хэлэв ямар үндэслэлтэй асуудал яригдав гэдэгт нухацтай хандах хэрэгтэй. Ардчлсан улсад иргэд хардах эрхтэй. Тиймээс гадаадаас татаж байгаа хүмүүсийн нэр ус, хандив тусламжийн зарцуулалтийг ил тод нээлттэй байлгах хэрэгтэй.