УИХ-ын чуулганы Баасан гаригийн үдээс хойших нэгдсэн хуралдаан эхэллээ. Тус хуралдаанаар Улсын Их Хурлын гишүүн Д.Оюунхорол, С.Бямбацогт, М.Оюунчимэг, Я.Санжмятав, Л.Энх-Амгалан, Д.Эрдэнэбат нарын гишүүдээс “Монгол Улсад короновирус /СОVID-19/-ийн халдварын тархалтын эрсдэл өндөр хэвээр байгаатай холбогдуулан нийгэм, эдийн засагт сөргөөр нөлөөлж буй хор уршгийг үнэлэн тооцоолох, ард иргэдийн амжиргааг дээшлүүлэх, нийгэм, эдийн засгийн тогтвортой байдлыг сэргээх, гамшгийн бэлэн байдлыг сайжруулах чиглэлээр Засгийн газраас авч хэрэгжүүлж буй арга хэмжээний талаар” тавьсан асуулгын хариуг сонслоо. 

Гишүүд асуулгын хариутай холбогдуулан асуулт асууж хариулт авч байна. 

Энэ үеэр УИХ-ын гишүүн О.Баасанхүү

Энэхүү аюулт тахалын үед сэтгүүлчид болон дэлгүүрийн худалдагчид нарт 300 төгрөгөөр бүтсэн энэхүү хамгаалалтыг өгмөөр байна. 300 тэрбум 3 сая ярьдаг бүхэнд инээдэмтэй сонсогдож магадгүй. Гэхдээ энэ дээр анхаармаар байна. Хэзээ дуусахыг хэн ч мэдэхгүй байгаа тиймээс авч байгаа арга хэмжээнүүд чинь хэдий хэмжээний хол орон зайг төлөвлөж байгаа юм бэ.

Төсвийн алдагдал одоо хэд хүрч байгаа вэ. Зэсийн үнэ уначихлаа. Бид 2 их наядын алдагдалтай төсөв баталсан. Тэр 5.1 их наядын эх үүсвэр нь хаанаас гарч байгаа юм бэ. 100-с 200 сая долларыг гамшгийн үед хэрэглэсэн байгаа гэж сонссон. Шилэн дансан дээр юу ч харагдахгүй байна.  Тооцоог нь гаргаж өгч болох уу?