УИХ-ын Байгаль орчин, хүнс, хөдөө аж ахуйн байнгын хорооны өнөөдрийн /2020.04.15/ хуралдаж Хүнсний тухай хуульд өөрчлөлт оруулах тухай хуулийн төслийг хэлэлцүүлэгт бэлтгэх ажлын баг байгуулах талаар хэлэлцлээ.

Энэ үеэр УИХ-ын гишүүн А.Сүхбат

Ажлын хэсэг ахлуулахаар дэмжсэн гишүүддээ баярлалаа. Бид өнгөрсөн хугацаанд малын эрүүл мэндийн тухай хууль, генетик нөөцийн тухай хууль гээд хоёр том багц хуулийг баталсан. Импортоор орж ирж байгаа хүнсний бүтээгдэхүүнүүнд татварыг нэмж тавих асуудал он удаан жил яригдсан.

1997 онд Дэлхийн худалдааны байгууллагад Монгол улс нэгдэн орсон. Орсон нь зөв буруу гэж би хэлэхгүй. Гэхдээ юу ч бодолгүй орчихсон. 0-20 хувийн татвар ногдуулахаар заасан байдаг. Гэтэл ОХУ энэ байгууллагад элсэж ороогүй байдаг. Хятад улс гэхэд 0-60 хувийн татвар тавьсан байдаг. Ингээд Монгол ногоочдыг ажилгүй болгох хийсэн хөдөлмөрийг үнэгүйдүүлэх заналхийлэл бий болсон.

Сэлэнгэ аймаг 6000 ногоочидтой байсан бол өнөөдөр 3000 байх жишээтэй. Тиймээс урмын нь хугалсан иймэрхүү ажиллагааг таслан зогсоох хэрэгтэй. Өнөөдөр ямар мах хүнсний ногоо идэж байна гэдэг бараг хяналтгүй болчихсон. Тиймээс Бид ногоочид, тариачидтай хамтарч, том ажлыг эхлүүлэх болно гэдгийг хэлмээр байна.