37
2020.04.23

О.Баасанхүү: Нэг алдчих юм бол гуравхан сая хүн чинь амархан шүү

УИХ-ын чуулганы өнөөдрийн \2020.04.23\ нэгдсэн хуралдаанаар Коронавируст халдвар (COVID-19)-ын цар тахлаас урьдчилан сэргийлэх, тэмцэх тухай болон холбогдох бусад хуулийн төслийг хэлэлцэж байна. 

Энэ үеэр УИХ-ын гишүүн О.Баасанхүү

Коронавирусний хуулийг их чухал гэж бодож байна. Ялангуяа гуравдугаар сарын 16-нд өвчин гарлаа гэхэд өнөөдрийн байдлаар 30 гарчихсан байна. Тавдугаар сарын 16 нд хэд болохыг таашгүй. 

Монгол Улсын Үндсэн хууль тавдугаар сарын 15-наас үйлчилж эхэлнэ. Энэ хуулийг үйлчилж эхлэхээс нь өмнө Сонгуулийн хуульд өөрчлөлт оруулаач ээ гэж хүсэх байна. Учир нь, багадаа 100-400 хүний бөөгнөрөл бий болно. Айл, өрхийн хаалга нүднэ. Янз бүрийн байдлаар хүмүүс цуглуулна. Солонгосын хуулийг харахаар сурталчилгаагаа хийж байсан. Хоёрдугаарт, хэнийг өвдсөн гэдгийг нь хэлэхгүй байж болно. Гэхдээ хорио, цээрт байгаа хүний нэрсийг мэдмээр байна.

Өнөөдөр 2000-3000 хүн тусгаарлалтаас гарч байна. Тэд гэртээ байх ёстой ч гадуур их явж байна. Энэ тохиолдолд хариуцлагыг тусгаж өгсөн үү. Тусгаарлалтад байгаа иргэдийг тодорхой хэмжээгээр үүрэгжүүлэх хэрэгтэй байна. Нэг алдчих юм бол гуравхан сая хүн чинь амархан шүү дээ. 

Түүний асуултанд УИХ-ын гишүүн Х.Нямбаатар хариуллаа.