АНУ-ын ерөнхийлөгчийн эхнэр Цагаан ордны эзэгтэйн үүргийг давхар гүйцэтгэдэг. Цагаан ордон болон Улсын тэргүүний хамгийн дотны зөвлөх, түшиг тулгуур нь байдаг учраас түүний Тэргүүн хадагтай /First Lady/ хэмээн нэрлэдэг байна. Америкчууд Тэргүүн хадагтайг айл гэрийн гэргий, эхнэр гэдгээр бус, түүнийг “хадагтай ерөнхийлөгч”, “улсын нэгдүгээр хадагтай” гэдгээр нь хүлээн авдаг.

Өнөөдөр АНУ-ын тэргүүн хадагтай нараас 8 нь амьд эсэн мэнд амьдарч байдаг байна. Нэрлэвэл одоогийн тэргүүн хадагтай Мишель Обама, Гералд Фордын бэлэвсэн эхнэр Бетти Форд, Жеми Картерын гэргий Росалун, Рональд Регины бэлэвсэн гэргий Ненси Регин, Эцэг Жорж Бушын гэргий Барбара Буш, Билл Клинтоны гэргий Хилари клинтон, хүү Жорж Бушын гэргий Лаура Буш гэсэн 8 хадагтай ажээ.

АНУ-ын Тэргүүн хадагтай ард түмнээс сонгодоггүй, албан ёсоор албан үүрэг хүлээдэггүй, мөн цалин хөлс авдаггүй ч АНУ-ын Гүйцэтгэх засаглал, улс орондоо нилээд өвөрмөц, хариуцлагатай үүрэг, байр суурийг эзэлдэг байна.

Тэргүүн хадагтай цагаан ордонд Тэргүүн Хадагтай Алба гэсэн нэртэй өөрийн ажлын албатай байдаг бөгөөд энэ алба Цагаан ордны албаны ёсны нэг алба төдийгүй, гүйцэтгэх засаглалын эрх мэдлийн нэг хэсэг болон оршиж, тусгай албан үүргийн хүлээн, үйл ажиллагаа явуулдаг байна. Гол үүрэг нь Цагаан ордон дах гэрийн эзэгтэйн бүх л үүргийг гүйцэтгэхээс гадна, Цагаан ордон дах баяр ёслол, үдэшлэгийн арга хэмжээг хариуцдаг байна. Тэргүүн хадагтай албаны бүрэлдэхүүнд Хэвлэлийн нарийн бичгийн дарга, Цагаан ордны үдэшлэг хариуцсан нарийн бичгийн дарга, Цэцгийн загвар зохион бүтээх нарийн бичгийн дарга гэсэн албан тушаалтангуудаас багтдаг аж.

АНУ-ын тэргүүн хадагтай байна гэдэг улсын нэгдүгээр эмэгтэй, Цагаан ордны эзэгтэй, байгаад зогсохгүй Америкийн загварын өнгө төрх нь хүртэл болдог байна.

Сонирхуулахад хэрвээ АНУ-ын ерөнхийлөгчөөр сонгогдсон шинэ ерөнхийлөгч ганц бие, эсвэл гэргий нь тэргүүн хадагтай үүргийг биелүүлэх боломжгүй зэрэг тохиолдолд төрийн тэргүүн хадагтайн үүргийг ерөнхийлөгчийн эмэгтэй найз эсвэл ойрын хамаатан эмэгтэй нь гүйцэтгэж болдог байна.