Занданшатар.Г 2020.05.14 | Vip76.mn

Үндсэн хуулийн цэцийн 03 дугаар дүгнэлтийг хүлээн зөвшөөрөв

Үндсэн хуулийн цэцийн 03 дугаар дүгнэлтийг хүлээн зөвшөөрөв

УИХ-ын чуулганы өнөөдрийн \2020.05.14\ хуралдаанаар Үндсэн хуулийн цэцийн 2020 оны 03 дугаар дүгнэлтийг хэлэлцэж, хүлээн авлаа.

ҮХЦ-ийн гишүүн Б.Буяндэлгэр ҮХЦ-ийн 03-р дүгнэлтийг танилцуулав.

Уг дүгнэлтэд УИХ-ын сонгуулийн тухай хуулийн зарим заалт сонгуулийн тухай хууль зөрчсөн эсэх маргааныг хянан хэлэлцээд, Үндсэн хууль зөрчөөгүй байна гэж үзжээ.Тодруулбал, ҮХЦ-ийн энэ сарын 6-ны дунд суудлын хуралдаанаар, УИХ-ын тухай хуулийн 29, 32 дугаар зүйл Үндсэн хууль зөрчсөн эсэхийг хянан хэлэлцжээ.

Тодруулбал, УИХ-ын сонгуулийн тухай хуулийн 29.8 дахь хэсэгт “Авлига, албан тушаалын гэмт хэрэг үйлдсэн нь шүүхээр тогтоогдсон бол нэр дэвшихийг хориглоно”, 32 дугаар зүйлийн 32.2.9 дэх заалтад “авлига, албан тушаалын гэмт хэрэг үйлдсэн гэм буруутайд тооцож байсан эсэх талаарх холбогдох байгууллагын лавлагаа.”, мөн зүйлийн 32.3.11 дэх заалтад “авлига, албан тушаалын гэмт хэрэг үйлдсэн гэм буруутайд тооцож байсан эсэх талаарх холбогдох байгууллагын лавлагаа” хэмээн заасан нь иргэний сонгох, сонгогдох эрхийг зөрчсөн хэмээн гомдол гаргасан иргэд үзсэн байна. Харин ҮХЦ-ээс уг хууль Монгол Улсын Үндсэн хуулийн зөрчөөгүй гэсэн дүгнэлт гаргажээ.