Дэлхий нийтийг цочроож буй Covid-19 цар тахлын улмаас Монгол Улсын Засгийн газраас авч хэрэгжүүлсэн тогтоол шийдвэрийн хүрээнд Өнөөдөр буюу /2020.05.20/-нд Монголын Эрчим хүч, Геологи, Уул уурхайн ҮЭ-ийн холбооны IX Бага хурал анх удаа цахимаар хуралдаж байна.

Хурлын эхэнд МЭХГУУ-н ҮЭ-ийн холбооны дарга Х.Буянжаргал “24 жилийн өмнөх энэ өдөр МЭХГУУ-н ҮЭ-ийн холбоо анх үүсгэн байгуулагдаж байсан түүхтэй билээ. Бид түүхэн тэмдэглэлт өдрөө бас нэгэн түүхийн хуудсийг эргүүлж байна. Аж үйлдвэрийн дөрөвдүгээр хувьсгал мэдээлэл технологийн шинэчлэлийн эрэн, Covid-19 вирусийн цар тахлын сорилтын үед холбооныхоо үйл ажиллагааг орчин цагийн хурдтай хөл нийлүүлэхийг эрмэлзэн анх удаа Бага хурлаа цахимаар хуралдуулж байгаа даа баяртай байна. Ингээд хурлын бүх төлөөлөгчид болон МЭХГУУ-н ҮЭ-ийн холбооны IX Бага хурлын үйл ажиллагаанд амжилт хүсье” хэмээн хэллээ.

Түүнчлэн энэ үеэр МЭХГУУ-н ҮЭ-ийн холбооны дарга Х.Буянжаргал “МЭХГУУ-н ҮЭ-ийн холбооны 2016-2019 онд зохион байгуулсан үйл ажиллагааны тайлан, цаашдын зорилт” сэдвээр Мандатын комиссын дарга О.Баярхүү “Мандатын комиссын тухай” МЭХГУУ-н ҮЭ-ийн холбооны Хяналтын зөвлөлийн дарга Г.Цэцгээ “Хяналтын зөвлөлийн тайлан” илтгэлийг тус тус танилцууллаа.

Үргэлжлүүлэн Монголын Эрчим хүч, Геологи, Уул уурхайн ҮЭ-ийн холбооны дүрмийн нэмэлт өөрчлөлт, Хөгжлийн зорилтыг хэлэлцэн баталж, МЭХГУУ-н ҮЭ-ийн холбооны дарга, Ерөнхий зөвлөл, гүйцэтгэх хороо, хяналтын зөвлөлийн гишүүдийг сонгож батлах юм байна.

МЭХГУУ-н ҮЭ-ийн холбооны IX Бага хурал цахимаар болж байна