Өнөөдөр ШИНЭ намаас мэдээлэл хийлээ. Уг мэдээлэлд ШИНЭ намын санаачлагаар Үндсэн хуульд өөрчлөлт оруулсан заалтууд бий. Өнөөдөр Үндсэн хуулийн өөрчлөлт мөрдөгдөж эхэлснээр хэрэгжинэ. УИХ-ын гишүүдийг эгүүлэн татах, засаг захиргааны эрхзүйд өөрчлөлт орно, шүүхийн шинэчлэлийг эхлүүлнэ.

Үндсэн хуулийн өөрчлөлт хэрэгжиж эхэлж байгаатай холбогдуулан ШИНЭ нам Баялгийн тухай хууль санаачилж байна. Монгол Улс 34 том стратегийн ордтой улс. Баян монголын ард түмэн баян байх ёстой. Ийм учраас төрийн мэдлийн "Эрдэнэс Тавантолгой" компанийн 15 тэрбум хувьцааг Монголынхоо нийт ард түмэнд 100 хувь өмчлүүлэх санаачлагыг гаргаж, хуулийн төсөл боловсрууллаа.

"Эрдэнэс Тавантолгой" компанийн 300 тэрбум ам.доллар байна. Өнөөдөр Монгол Улсын иргэд энэ компанийн 14 хувийг эзэмшиж байгаа. Энэ хуулийн төслийг өргөн барьж батлуулснаар 100 хувь ард түмэндээ өмчлүүлэх гэж байна.

Бид өмчлөх эрхийн хувьцаа гаргуулах төслийг өргөн барьж байна. Нэг хүнд ойролцоогоор 4600 ширхэг өмчлөх эрхийн хувьцаа оногдоно. 1072 хувьцаан дээр нэмэгдэнэ. Ингэхээр 266 сая төгрөгтэй тэнцэх хувьцаа нэг хүнд оногдоно. Дөрвөн хүнтэй ам бүлд ойролцоогоор нэг тэрбум төгрөгтэй тэнцэхүйц өмчлөх эрхийн хувьцаа оногдоно. Өрх бүрийг тэрбумтан болгох хуулийн төслөө өнөөдөр өргөн барилаа хэмээв.

Шинэ нам өрх бүрийг тэрбумтан болгох хуулийн төсөл өргөн барьжээ