Баттөмөр.Б 2020.06.06

Дарханы өнөөгийн хөгжил нь УИХ-ын гишүүд хариуцлагатай байсны үр дүн гэв

Дарханы өнөөгийн хөгжил нь УИХ-ын гишүүд хариуцлагатай байсны үр дүн гэв

ДАРХАНЫ ӨНӨӨГИЙН ХӨГЖИЛ НЬ ИРГЭД САНААЧИЛГАТАЙ УЛСЫН ИХ ХУРЛЫН ГИШҮҮД НЬ ХАРИУЦЛАГАТАЙ БАЙСНЫ ҮР ДҮН ХЭМЭЭН ИРГЭД ОНЦЛОВ

УИХ-ын сонгуулийн 19 дүгээр тойрог буюу Дархан-Уул аймагт Монгол Ардын Намаас нэр дэвшигч Болдын Жавхлан, Баагаагийн Баттөмөр, Гонгорын Дамдинням нар Дархан сумын 9 дүгээр багийн иргэд, сонгогчидтой уулзалт хийлээ.

Уулзалтын үеэр Дарханы өнөөгийн хөгжил нь иргэд санаачилгатай Улсын Их Хурлын гишүүд нь хариуцлагатай байсны үр дүн хэмээн иргэдийн зүгээс онцолж байна. Тиймээс ирээдүйн Дархан хотын хөгжил цэцэглэлтэд сэтгэл, зүрхээ зориулан ажиллаж чадах ахмад, дунд, залуу үеийн төлөөлөл болсон Монгол Ардын Намаас нэр дэвшигчдийг багаар нь дэмжихээ 9 дүгээр багийн иргэд илэрхийлж, иргэдийн орлого, амьжиргааг дээшлүүлэхэд ирэх жилүүдэд илүү анхаарч ажиллахыг захилаа.

Тус багт 2016-2020 оны хооронд төсвийн 3.8 тэрбум төгрөгийн хөрөнгө оруулалт, бүтээн байгуулалтын ажил хийгджээ. Тухайлбал, багийн хүүхдүүд хамрагдах боломжтой 150 хүүхдийн 28 дугаар цэцэрлэгийг 2019 онд барьж, хүүхдүүдээ хүлээн авсан бол Оюуны ирээдүй цогцолбор сургуулийн А байрны спорт заалны өргөтгөлийн барилгыг барьж, ашиглалтад өгөхөд бэлэн болоод байна.

Мөн 2019 онд 9-10 дугаар багийн иргэдэд төрийн үйлчилгээ хүргэх Багийн хөгжлийн төвийн барилгыг ашиглалтад оруулсан зэрэг ажлуудыг дурдаж болно.

u