ШИНЭ ЭВСЭЛ-ээс нэр дэвшигч Л.Болд, Э.Түвшин, Л.Ариунаа нарын өнөөдрийн уулзалт Хан-Уул дүүрэгт үргэлжилсээр байна.

Залуучууд “Та нар ямар бодлого гаргах гэж байна. Юуг өөрчлөх юм” гэж нухацтай асууж, тодруулж байна. Энэ маш зөв. ШИНЭ эвслийн мөрийн хөтөлбөрт дэвшүүлж байгаа бодлого болгон залуучуудад хамаатай.

Залуучуудыг дэмжинэ гэхээр яам, агентлаг байгуулна, спортын ордон, усан бассейн барина гэж амалдаг. Залууст өнөөдөр эх орондоо хайртай байх, эх орондоо бүтээх туурвих, сурах боловсрох, ажиллаж амьдрах нь чухал байна.

Үүнтэй холбоотой шинжлэх ухааны үндэстэй, тооцоо судалгааг манай эрдэмтэд гаргасан байна. Яагаад Монголын залуучууд өнөөдөр гадаадад гарч боолын хөдөлмөр эрхэлж байна. Сурч боловсроод төгссөн ч буцаж ирэхгүй байна. Яагаад гэхээр тэд эх орондоо ирээд хэнд ч хэрэггүй болчихоод байна.

Эрдэмтдийн гаргасан албан ёсны тооцоогоор нэг монгол хүн сард 78000 төгрөгийн хасах баланстай амьдарч байна. Жилдээ бараг сая төгрөг. Монгол хүн дунджаар 70 насалж байна гэж ертөнцийн мөнх бусыг үзүүлэхдээ 67 орчим сая төгрөгийн өр үлдээдэг. Нутагтаа, үр хүүхдүүддээ өр үлдээхийн төлөө Монголдоо ажиллаж амьдарна гэдэг харамсалтай.

Гэтэл Швейцарийг харьцуулж үзве. Өнөөдөр баялгаа ард түмэндээ өмчлүүлээд нэг хүн сарын орлого нь 1,5 мянган доллар, нэмэх баланстай. Жилдээ 18 мянган доллар буюу 50 сая төгрөг. Тэд дунджаар 84 насалдаг.Дээр нь байшинтай, газартай хувьцаатай. Монголын төр үүнийг л хийх хэрэгтэй. Хийхэд ч амархан. Ердөө сэтгэл, зүтгэл. Бүх баялаг нь байж байдаг, хулгайд алдаж л байдаг. Ард иргэд нь өлөн зэлмүүн. Үүнийг өөрчлөхийн төлөөх бодлогыг бид залуучуудын төлөөх бодлого гэж хэлээд байгаа юм.

Ахмадын төлөө бодлого бол шууд утгаараа залуучуудын бодлого.

Яагаад гэвэл залуу хүн болгон ахмад болно. Ирээдүйг нь л баталгаатай болгох хэрэгтэй. Түүнээс залуу насанд нь барилга байшин, яам, агентлаг амлаад хэрэггүй. Залуучуудаа хуурах хэрэггүй. Манай эвслийн мөрийн хөтөлбөрийг боловсруулсан эрдэмтэн мэргэдийн судалгаа бол баялгийн хувьсгалын замаар ард иргэдээ хөрөнгөжүүлэх. Баялагтаа бид бодитоор хүрч, 30 гэр бүл биш 3 саяулаа тэгш хувь хүртэж байж ирээдүй баталгаажна

ШИНЭ эвслийн мөрийн хөтөлбөрт дэвшүүлж байгаа бодлого болгон залуучуудад хамаа­тай

ШИНЭ эвслийн мөрийн хөтөлбөрт дэвшүүлж байгаа бодлого болгон залуучуудад хамаатай