УИХ-ын нэгдсэн чуулганаар Монгол улсын Ерөнхий сайдаар У.Хүрэлсүхийг улираан томилох асуудлыг хэлэлцэж байна.

Монгол Улсын Их Хурлын найм дахь удаагийн сонгуулийн дүнгээр Улсын Их Хуралд хамгийн олон буюу 62 суудал авсан МАН-ын Бага хурал өчигдөр хуралдаж, Монгол Улсын Ерөнхий сайдад Улсын Их Хурлын гишүүн, МАН-ын дарга Ухнаагийн Хүрэлсүхийг нэр дэвшүүлж санал нэгтэй дэмжин, Ерөнхий сайдад нэр дэвшигчийг зөвшилцөх саналаа Монгол Улсын Ерөнхийлөгчид өргөн мэдүүлжээ.

УИХ-ын гишүүн Б.Бат-Эрдэнэ Ерөнхий сайдад хандаг үг хэллээ

" Ерөнхий сайдад баяр хүргэе. Байгалийн баялгийн чиглэлээр сүүлийн 3 жил олон арга хэмжээг авч, сайн ажилласан. Одоо энэ хүрээнд хийж хэрэгжүүлсэн ажлаа үр дүнд хүргэх хэрэгтэй байна. Үүнд, Эрдэнэтийн 49 хувь, 51 хувийн асуудал яригдах байх.

Үүнээс гадна хууль бусаар алдагдсан том орд баялагуудынхаа эзэн нь Ард түмэн хэрхэн байх вэ? гэдэг руу ханцуй шамлан орох ёстой. Бид эндээс дэмжих хэрэгтэй. 2012-2016 онд олон орд баялагууд хуйвалдааны зарчмаар явсан. Цагаан суварга, Ноён уул гээд хэлж болно. Харин Танай Засгийн газар эдгээрийг цэгцэлж, сайн ажилласан

Хоёрдугаарт. Ерөнхий сайд У.Хүрэлсүх ард түмнийхээ дууг сонсож ажиллаж байгаа. Үүнийгээ алдаж болохгүй шүү гэдгийг хэлмээр байна. Ард түмний төлөөл болсон бидний дуу хоолойг сонсож ажиллаарай. Жишээ нь утаа, тэтгэвэр барьцаалсан зээл гэх мэт.

Мөн Би 2009 онд санаачлан, батлуулаад 10 гаруй жил "урт нэртэй" хуулийн төслийг хэрэгжилтийг хангуулах гэж үйлээ үзсэн хүн байгаа юм. Энэ хуулийн хэрэгжилтийг нилээн дөхүүлсэн Засгийн газар бол танай Засгийн газар шүү гэж хэлмээр байна.

Б.Бат-Эрдэнэ: Ерөнхий сайд У.Хүрэлсүх ард түмнийхээ дууг сонсож ажиллаж байгаа энэ байдлаа алдаж болохгүй шүү