УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар Монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн Ж.Чинбүрэн: 

Ерөнхий сайдын бүрэлдэхүүнд орж томилогдож байгаа та бүхэндээ баяр хүргье. Эрүүл мэндийн сайд Т.Мөнхсайханд мэргэил нэгтийн хувьд эрүлл мэндийн төлөөх ажил үйлсэд нь амжилт хүсье. Уар тахал тархсан энэ үед эрүүл мэндийн сайдаар ажиллана гэдэг асар их ачаа үүрч, асар их хариуцлага юм. Өмнөх засгийн газрын амжилттай хэрэгжүүлсэн хөтөлбөр бол элэг бүтэн Монгол хөтөлбөр мөн. 

МАН-ын мөрийн хөтөлбөрт өмнөх хөтөлбөрөө үргэлжлүүлэх бодлого орсон байгаа. Яг энэ цаг үед б вирусыг эмёлэх эм гарсан байна. Энэ эмийг Монгол Улсад бүртгэх мөн үйлдвэрлэгчтэй гэрээ хэлэлцээр хийж үнийг нв хямдралтай үнээр ард иргэддээ санхүүгийн дарамтгүй хүргэхэд илүү чармайж ажиллах ёстой. 

Хорт хавдраар нэг сумын дайтай 4800 иргэнээ нэг жилд алдаж байна. Эрт илрүүлж чадвал энэ эмгэнэлт үр дагаврыг багасгаж чадна. Намын мөрийн хөтөлбөрт эрт илрүүлгийг хийх ажил тусгасан. Хорт хавдрын үндэсний хөтөлбөрийг хэрэгжүүлэхэд анхаарч ажиллаарай.