Х.Амгаланбаатар 2020.07.27 | МҮЭХ

Мэдээллийн кампанит ажил Барилгачдын ҮЭ-ийн холбоонд үргэлжилж байна

Мэдээллийн кампанит ажил Барилгачдын ҮЭ-ийн холбоонд үргэлжилж байна

Өнөөдөр буюу /2020.07.27/-нд МҮЭ-ийн холбооны ЕНБД Г.Адъя, ХХХБГ-ын дарга Ц.Отгонтунгалаг, хуульч М.Одбаяр нар Барилгачдын ҮЭ-ийн холбооны анхан шатны “Байгууламж од” ХХК-ийн ҮЭ-ийн хороонд ажиллаж дарамт, хүчирхийллийн эсрэг 190 дүгээр конвенцийн тухай мэдээлэл өглөө.

Европын холбооны дэмжлэгтэйгээр МҮЭ-ийн холбоо, ОУХБ-тай хамтран өрнүүлж байгаа “Аливаа ялгаварлан гадуурхалт, дарамт, хүчирхийллээс ангид ажлын байрны төлөө” мэдээллийн кампанит ажлын хүрээнд хөдөлмөрийн харилцаанд гарч байгаа дарамт, хүчирхийлэл, түүний сөрөг нөлөөний талаар “Байгууламж од” ХХК-ийн ҮЭ-ийн хорооны 60 гаруй ажилтнуудад мэдээлэл өгч сонирхсон асуултад нь хариулсан юм.

Мэдээллийн эхэнд МҮЭ-ийн холбооны ЕНБД Г.Адъяа, ХХХБГ-ын дарга Ц.Отгонтунгалаг, Барилгачдын ҮЭ-ийн холбооны Нарийн бичгийн дарга Ц.Энхцэцэг, “Байгууламж од” ХХК-ийн ҮЭ-ийн хорооны дарга Б.Цэрэндулам нар үг хэлж үргэлжлүүлэн ажлын байрны дарамт хүчирхийлэл гэж юуг хэлдэг талаар дэлгэрэнгүй танилцууллаа.

Тус компани нь анх 2003 онд байгуулагдаж барилгын цэвэр, бохир, дулааны бетон үйлдвэрлэж эхэлсэн бөгөөд өдгөө 120 гаруй ажилтантай төдийгүй, захиргаа ҮЭ-ийн хорооны хамтын ажиллагаа сайтай, ажилтнуудын нийгмийн асуудлыг шийдвэрлэх хүрээнд чамгүй олон ажил зохион байгуулдаг талаар ҮЭ-ийн хорооны дарга Б.Цэрэндулам хэлж байв. Мөн энэ үеэр МҮЭ-ийн холбооны удирдлагууд анхан шатны нэгжид ажиллаж ажлын байрны дарамт, хүчирхийллийн тухай мэдлэг ойлголтыг өгч байгаад ҮЭ-ийн гишүүдийн зүгээс баяртай байгаагаа илэрхийлж байсан юм.