Онон гол дээр гүүр тавигдлаа
2020.08.24

Онон гол дээр гүүр тавигдлаа

Хэнтий аймгийн Баян-Адарга сумын нутагт 150 метр урттай төмөр бетон гүүрийн барилгын ажлыг төлөвлөгөөт хугацаанаас нь буюу 6 сарын өмнө барьж дуусгажээ.

Онон голын сав дагуу амьдардаг нутгийн иргэд, зорчигч тээвэрчид, хавар, зун, намрын улиралд голын урсгал, усны түвшин нэмэгдсэнээс шалтгаалж зорчиход хүндрэлтэй, бирваазаар гол гарах эсвэл Биндэрийн гүүрээр 40 гаруй км тойрч гардаг байсан бэрхшээл арилж, саадгүй зорчих боллоо.

2016-2020 оны Засгийн газрын мөрийн хөтөлбөрөөр 4 жилд 2427 метр гүүр хоолой, 1917.5 км авто зам тавигдсанаар УИХ-ын гишүүн Б.Энх-Амгалангийн Зам, тээврийн хөгжлийн сайдаар ажиллаж байх хугацаандаа эхлүүлсэн олон хөтөлбөрүүдээс Онон голын гүүрийн ажил дуусаж, ашиглалтад хүлээлгэн өгсөн нь олны талархал хүлээсэн сайхан ажил болжээ.

Цаашид Биндэрийн гүүр, Эвийн гүүр, Бүрэн багийн зэрэг гүүрүүд тавигдана.