Аюулгүй байдал, гадаад бодлогын байнгын хорооны өнөөдрийн /2020.08.24/ хуралдаанаар “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” Улсын Их Хурлын тогтоолын төсөл /Засгийн газар 2020 оны 08 дугаар сарын 14-ний өдөр өргөн мэдүүлсэн, анхны хэлэлцүүлэг, хийлээ.

Энэ үеэр УИХ-ын гишүүн Н.Наранбаатар

Төрөөс аялал жуулчлалыг хөгжүүлэх бодлогын хүрээнд нэлээд хэдэн аймгууд харагдаж байна. Өмнөговь аймаг байхгүй байна. Өмнөговь аймаг бол аялал жуулчлал хөгжих бололцоотой аймаг. Үүнтэй холбоотой санал хэлэхэд Говь гурван сайхан нисэх онгоцны буудлыг олон улсын 4C стандарт зэрэглэлд оруулна гэж өнгөрсөн Засгийн газрын мөрийн хөтөлбөрт байгаад хэрэгжээгүй. 

Одоо энэ хөтөлбөр дээр Хөвсгөл, Ховд, Дорнод гурван аймаг л орсон байна. Үүн дээр Өмнөговь аймгийг оруулах хил орчмын аялал жуулчлалыг хөгжүүлэх боломж байгаа. Үүнтэй холбоотой Гашуун Сухайтын хилийн боомтыг олон улсын статустай болгох асуудал яригддаг. Боомтын бүтээн байгуулалтын ажлууд төмөр зам, авто замын ажлууд эхлээд явж байгаа. Өнөөдрийн байдлаар гуравдагч орноос ирж байгаа бараа болон хүмүүс бүгд л Замын-Үүдээр тойрч тлүү зардал цаг хугацаа гаргаж ирдэг. Тиймээс олон улсын статустай болгох санал гаргаж байгаа.

Намын мөрийн хөтөлбөрт Өмнөговь аймагт Уул уурхай, технологийн сургуулийг байгуулна гэсэн байгаа. Энэ шийдвэр Өмнөговь аймагт хэрэгжих хамгийн бололцоотой байгаа. Үйлдэрийн дадлага хийх уул уурхайтайгаа ойрхон, материаллаг бааз сайтай. Политехник коллежтой үүнийгээ өргөтгээд явах боломжтой.