Аюулгүй байдал, гадаад бодлогын байнгын хорооны өнөөдрийн /2020.08.24/ хуралдаанаар “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” Улсын Их Хурлын тогтоолын төсөл /Засгийн газар 2020 оны 08 дугаар сарын 14-ний өдөр өргөн мэдүүлсэн, анхны хэлэлцүүлэг, хийлээ.

Энэ үеэр УИХ-ын гишүүн Н.Наранбаатар

Арван аймгийн төвийн дулааны станц барих төсөл гээд аймгуудыг нэрлэсэн байна. Энэ дээр Өмнөговь аймгийг нэмбэл хэрэгжих бололцоотой. Өмнөговь аймагт дулааны цахилгаан станц баригдахаар зураг нь хийгдээд ТЭЗҮ нь хийгдээд энэ хавар яамны шинжлэх ухаан технологийн зөвлөлөөр хянагдаад бүх зүйл нь бэлэн болчихсон байгаа. Тиймээс Өмнөговь аймгийг нэмүүлэх саналтай байна. 

Намын мөрийн хөтөлбөр дээрх зарим асуудлууд орхигдсон байна. Тухайлбал Даланзадгад-Ноён чиглэлийн 220 км цахилгаан дамжуулах агаарын шугам гээд манай аймгийн баруун 3 сумын цахилгааны асуудалыг эхлүүлэх, мөн дээр нь намын мөрийн хөтөлбөрт Ханбогд суманд дулааны цахилгаан станц байгуулах асуудлыг тус тус тусгуулах саналтай байна.