Учрал.Н 2020.09.08 | Vip76.mn

Н.Учрал гишүүн СХД-ийн 18 дугаар хороонд үүссэн асуудалд анхаарч ажиллах хүсэлт хүргүүллээ

Н.Учрал гишүүн СХД-ийн 18 дугаар хороонд үүссэн асуудалд анхаарч ажиллах хүсэлт хүргүүллээ

УИХ-ын гишүүн Н.Учрал Нийслэлийн Сонгинохайрхан дүүргээс УИХ-д хоёр удаа сонгогдож төрд төлөөлж буй гишүүний хувьд өнөөдөр Сонгинохайрхан дүүргийн 18 дугаар хороонд үүсээд буй асуудлын нөхцөл байдалтай газар дээр нь очиж, танилцан шаардлагатай арга хэмжээ авахыг холбогдох байгууллагуудад уламжилж хүсэлт хүргүүллээ.

СХД-ийн 18 дугаар хорооны 12 дугаар байрны зүүн урд буланд баригдаж буй барилга нь иргэдийн эрүүл аюулгүй орчинд амьдрах эрхийг ноцтой зөрчиж, хөдөлмөр хамгааллын болон нийтийн зам талбайд зорчиж буй иргэдийн аюулгүй байдлыг хамгаалах арга хэмжээг стандартын дагуу авалгүй үйл ажиллагаа явуулж байгаа нь иргэдийн бухимдлыг төрүүлж байна.

Суурийн ажлын ухалт хийх явцдаа зэргэлдээх орон сууц руу хэт шахсан буюу тэрхүү зэргэлдээ байшинд эрсдэлтэй нөхцөл байдал бий болгосон байна. Түүнчлэн хөрсний бэхэлгээ байршуулаагүйн улмаас суурин ухсан нүх нь хашааны гадна гарч ирсэн байгаа нь бага насны хүүхэд унаж гэмтэж бэртэх, цаашлаад амь насаа алдах тун хүнд нөхцөл байдал үүсээд байгааг дүүргийн Мэргэжлийн хяналтын албаны албан хаагчдад биечлэн үзүүлж холбогдох арга хэмжээг авч ажиллахыг хүслээ.

Улаанбаатар хотод баригдаж буй олон барилга байгууламжуудад зохих ёсны хяналт тавьж, норм стандартыг мөрдүүлэхгүй бол иргэдийн эрүүл аюулгүй орчинд амьдрах эрх ноцтой зөрчигдөж байгаа олон асуудал бий. Тиймээс цаашид олон нийтийн хяналт, мэргэжлийн байгууллагатай хамтран эдгээр асуудлыг шийдвэрлэх нь зүйтэй.