П.Анужин 2020.09.11 | Vip76.mn

УИХ-ын гишүүн П.Анужин тойрогтоо ажиллаж байна

УИХ-ын гишүүн П.Анужин тойрогтоо ажиллаж байна

УИХ-ын чуулганы завсарлагааны хугацаанд гишүүд сонгогдсон тойрогтоо ажиллаж, иргэд сонгогчидтойгоо уулзалт хийн, өвөлжилт ийн бэлтгэл хангуулах чиглэлээр ажиллаж байна. УИХ-ын гишүүн П.Анужин өөрийн тойрог Сонгинохайрхан дүүрэгтээ ажиллаж байна.

Тэрээр өнөөдөр иргэн н.Чулуунбаттай уулзлаа. Сонгуулийн үеэр н.Чулуунбаттай анх уулзаж байхад өөрийн хөгжлийн бэрхшээлээ гутарч суусан бол би дууссан байгаа. Харин өөрийгөө нээх, хөгжүүлэх бүхий л арга замыг эрэлхийлсэн, хичээсэн хэмээн ярьж байсан.

Тэрбээр өнөөдөр уулзахдаа тэр өдрөөс хойш гүйж эхэлсэн тухайгаа хэллээ. н.Чулуунбат Гүнжийн нуурыг тойрч, өдөрт 39 км гүйдэг болжээ. Саяхан тэмцээнд орж 3-р байр эзэлсэн тухайгаа ч ярьж байлаа. 
П.Анужин гишүүн хөгжлийн бэрхшээлтэй иргэдээ дэмнэж, тэднийг нийгэмшүүлэн, ажил орлоготой болгох бололцоо, нөхцөл байдлын талаар түүний бодлыг сонсож, хүний нөөц хүч бололцоо хязгааргүй тухай гэгээлэг яриа өрнүүллээ. Мөн Чулуунбатын дэлхийн дэвжээнд гүйх тэмүүллийг дэмжин хамтран ажиллахаар боллоо.
УИХ-ын гишүүн П.Анужин тойрогтоо ажиллаж, иргэд сонгогчид, эмэгтэйчүүд, залуус, бизнесийн төлөөлөлтэй уулзан, ярилцаж байна.
Мөн тэрээр өнөөдөр Сонгинохайрхан дүүргийн бизнэс эрхлэгч залуусын төлөөлөлтэй уулзаж залуу гэр бүлүүдийг орон сууцжуулах төсөлтэй танилцлаа.