Төв аймгийн ҮЭ-ийн холбоо шинэ байрныхаа нээлтийг хийлээ.

Аймгийн ҮЭ-ийн холбооны дарга Д.Оюун хэлэхдээ,

-“Анх 1958 онд үүд хаалгаа нээж байсан хуучин байрны туурин дээр Төв аймгийн хөдөлмөрчдийн ордон болсон барилгаа сүндэрлүүлээд байна. Өнөөдөр ашиглалтад орж байгаа энэ барилгад гаднаас хөрөнгө оруулалт, банкны зээл бусад өр төлбөргүй зөвхөн өөрийн ашиглаж байсан хуучин барилга, түүний эзэмшил газар, хуучин барилгын ашигтай байршил зэрэг давуу боломжийг ашигласны үндсэн дээр бий болгосон өөрийн хөрөнгө гэж ойлгож болно.

Энэхүү шинэ барилгыг ашиглалтад оруулахад сэтгэл санааны болон эд материалын дэмжлэг туслалцаа үзүүлсэн МҮЭ-ийн холбоо, салбар, аймгийн ҮЭ-ийн холбоод, Аймгийн ЗДТГ, Газрын харилцаа хот байгуулалтын газар зэрэг байгууллага хамт олонд аймгийн ҮЭ-ийн идэвхтэн, сонгуультны нэрийн өмнөөс гүн талархал илэрхийлье. Мөн Б.Сүхболд захиралтай БУТОЗМ ХХК-ний хамт олон, хяналтын инженер, ҮЭХ-ны тэргүүлэгч Т.Тойвгоо нартаа гүн талархал илэрхийлье” гэлээ.

Шинэ байрны нээлтэд МҮЭ-ийн холбооны дэд ерөнхийлөгч С.Эрдэнэбат, Аймгийн Засаг дарга Д.Мөнхбаатар, ИТХ-ын дарга Ц.Энхбат, ЭХГУУА-ны ҮЭХ-ны дарга Х.Буянжаргал, БШУҮЭХ-ны дарга З.Цогтгэрэл, Барилгачдын ҮЭХ-ны дарга Б.Батцогт, Нэгдмэл ҮЭХ-ны дарга Я.Алтантуяа, МҮЭСТО-ны захирал Ц.Мөнхбаяр нар оролцлоо.

МҮЭ-ийн холбооны дэд ерөнхийлөгч С.Эрдэнэбат,

-Баригдаад 60 гаруй жил болсон байраа шинэчилж, өнөөдөр нээлтээ хийж байгаад баяртай байна. Төв аймгийн иргэд хөдөлмөрчид тав тухтай нөхцөлд сурч, ажиллахад томоохон үүрэг гүйцэтгэнэ.

ҮЭ-ийн ахмадуудаас уламжлан ирсэн өв хөрөнгийг хойч үеийнхэн нь ийнхүү сайжруулж байгаад мянга мянган гишүүдийнхээ өмнөөс талархахын сацуу барилгын ажилд тусалж дэмжсэн бүх байгууллагуудад талархал илэрхийлье гэсэн юм.

ҮЭ-ийн ахмад зүтгэлтэн Л.Содномцэрэн ахмадуудаа төлөөлж үг хэлсэн ба Аймгийн засаг захиргааны удирдлагууд баяр хүргэлээ.

МҮЭ-ийн холбооны ерөнхийлөгч Х.Амгаланбаатар Төв аймгийн ҮЭ-ийн холбооны хамт олны шинэ байрны нээлтээ хийж буй дурсамжит үйл явдлыг тохиолдуулан дарга, тэргүүлэгч, нийт идэвхтэн, гишүүдэд баяр хүргэж, ажлын амжилт хүслээ.

Төв аймгийн ҮЭ-ийн холбооны шинэ байрны нээлтийн ёслол боллоо