Хан-Уул дүүргийн ИТХ-ын дарга Б.Цэрэн дүүрэгтээ хийгдэж бүтээн байгуулалтын талаар танилцууллаа.

Хан-Уул дүүрэг Эко дүүрэг болох зорилтын хүрээнд ногоон байгууламж дээр илүү анхаарал тавин ажиллаж байна. Эко дүүрэг байх нь иргэд амар тайван, аюулгүй байж, амрах таатай нөхцөл бүрдүүлэхээс гадна түгжрэлийг багасгахад багагүй хувь нэмэр оруулж байгаа юм.

Өнгөрсөн дөрвөн жилийн хугацаанд 11 бичил цэцэрлэгт хүрээлэн байгуулж,  Яармаг, Нисэх, Зайсан, Стадион орчимд шинэ орон сууцны хороололууд, шинэ гүүрэн байгууламжуудыг барьж байгуулсан их бүтээн байгуулалтын жил өрнөж байна.

Хан-Уул дүүрэгт "Архигүй орчин" хөтөлбөр хэрэгжиж байгаа. Гэмт хэрэг гаралтын хамгийн гол шалтгаан нь архидалт гэдэг дүгнэлтэд хүрч энэхүү хөтөлбөрийг дүүргийн хэмжээнд авч хэрэгжүүлж байна. Тэрээр архидаж байгаа хэв зуршлыг өөрчлөх, архи бэлэглэх, баяр тэмдэглэх бүх зүйлд архи хэрэглэдэг, өдөр тутам архи уудаг зэрэг хэвшлүүд нь архидалтыг өдөөж байгаа юм.

Тиймээс 2020 оны 1 сарын 1 нээс эхлэн архидалтаас урьдчилан сэргийлэх, гэгээрүүлэх ажлуудыг хийж ирсэн байна. Тэр дундаа иргэдээс авсан хамгийн гол санал болох долоо хоног бүрийн баасан гарагт архи зарахгүй байх, архины градусыг багасгах зэрэг саналуудыг удирдах албан байгууллагуудад дэвшүүлсэн байна.