Энх-Амгалан 2020.09.29 | МҮОНТВ

Малчид сэргээгдэх эрчим хүч ашиглан цахилгаантай боллоо

УИХ-ын гишүүн Л.Энх-Амгалан тойрогтоо ажиллаж байна. Тэрээр өнөөдөр Хөвсгөл аймгийн Төмөрбулаг сумын Тээл багт нээлтээ хийж байгаа Нарны сэргээгдэх эрчим хүч ашиглан цахилгаан үйлдвэрлэх станцын үйл ажиллагаатай танилцлаа.

1970 аад онд Төмөрбулаг суманд Тээл баг байгуулагдаж бэлчээрийн бүс ихтэй учраас малчид ихээр суурьших болсон. Сумын төвөөс ердөө 40 орчим километрийн зайтай хэрнээ өнөөдрийг хүртэл төвийн цахилгаанд холбогдоогүй учраас иргэд, малчид сум руугаа нүүдэллэх болжээ. Тээл багт амьдарч байгаа иргэд мотор асааж гар утсаа цэнэглэх, зурагт үзэх зэрэг хэрэгцээгээ хангадаг байлаа. Харин нарны сэргээгдэх эрчим хүчний станцтай болсноор цахилгааны тогтмол эх үүсвэртэй болж байна.

УИХ-ын гишүүн Л.Энх-Амгалан: Нарны эрчим хүчний шийдлээр нэгдүгээрт багийн иргэд эрчим хүчтэй болж байна. Хоёрдугаарт баг дээрээ суурьшил үүсэж, баг дээрээ ажилгүй байгаа залуучуудад ажлын байр бий болох сүүгээ, цагаан идээгээ, малын гаралтай бүтээгдэхүүнээ боловсруулж малчдын орлогыг нэмэгдүүлэх хамгийн том чухал ажил болж байна.