Г.Төгөлдөр 2020.09.30 | Vip76.mn

НИТХ-д МАН-аас нэр дэвшигч Г.Төгөлдөр үнэмлэхээ гардаж авлаа

Өнөөдөр Аймаг, нийслэл, сум дүүргийн ИТХ-ын сонгуульд нэр дэвшигчид Нийслэлийн сонгуулийн хорооноос нэр дэвшигчийн үнэмлэхээ гардан авлаа.

НИТХ-д МАН-аас нэр дэвшигч 45 хүн морин цагт үнэмлэхээ авсанаар сонгуулийн хуулийн дагуу сурталчилгаагаа эхлүүлэх эрх нь нээгдлээ.

НИТХ-ын сонгуулийн 12 дугаар тойрогт нэр дэвшигч Г.Төгөлдөр: "1,2 сая оршин суугчтай нийслэл хотын өмнө тулгамдаж буй олон асуудал бий. Эдгээр асуудлаа яриад суух биш зөв шийдлийг олж, зоригтой хэрэгжүүлэх шаардлагатай болсон.

НИТХ-ын сонгуулийн 12-р тойрогт нэр дэвшигч Г.Төгөлдөр

Тиймээс миний бие өнгөрсөн 4 жил СХД-ийн 16 дугаар хороонд ИНХ-ын даргаар ажилласан хүний хувьд дүүргээ төлөөлөөд Нийслэлийнхээ хөгжлийн төлөө төр, засгийн бүх шатанд нээлттэй хамтран ажиллах болно. Иргэд сонгогчдынхоо итгэлийг хичээл зүтгэлээрээ хариулж, үр дүнг гаргах болно."

МАН-аас нэр дэвшигчид Нийслэлийн сонгуулийн хорооноос үнэмлэхээ авсаны дараа Тусгаар тогтнолын ордонд сонгуулийн сурталчилгааны албан ёсны нээлтийн ёслолд оролцож, Намын даргаасаа батламжаа гардан авлаа.

УИХ-ын гишүүн, Нийслэлийн МАН-ын хорооны дарга Д.Сумъяабазар: "Нийслэл хот томрохын хэрээр үүсэх асуудал ч нэмэгдэж, төвлөрөл дагасан бэрхшээлүүд бий болсоор байна. Тиймээс ирэх 4 жил биднээс зоригтой, зөв шийдэл, хэрэгжүүлэлтийг шаардаж байна. Нийслэлийн МАН энэ удаагийн сонгуульд нэр дэвшүүлж буй хүмүүсийн 4 хүн тутмын 3 нь шинэ, залуу хүмүүс байгаа нь дээрх шаардлагыг биелүүлж, хөгжлийг хурдасгах хүч болно гэж үзэн нэр дэвшүүлээд байна".

Батламж гардуулах ёслолд Монгол улсын Ерөнхий сайд, МАН-ын дарга У.Хүрэлсүх оролцож, нийт нэр дэвшигчиддээ амжилт хүслээ.

"УИХ-ын сонгуульд бид нэр дэвшүүлж буй хүмүүстээ тавьсан 3 шаардлагыг эдгээр нэр дэвшигчиддээ тавьж, шаардлага хангасан хүмүүсийг сонгосон. 
Эх орон, Нийслэл хотдоо хайртай, Ёс суртахуунтай, Ажлын дадлага туршлагатай хүмүүс мөн гэж намын даргын хувьд бүрэн итгэл хүлээлгэж байгаа.
Монголын ард түмэн Төрийн эрх барих дээд байгууллагаа сонгож, МАН-д үнэмлэхүй эрхийг олгож итгэл хүлээлгэсний адил нийслэл хотынхоо хөгжлийн төлөө бидэнд дахин итгэл хүлээлгэнэ хэмээн найдаж байна. Дээд, дунд бүх түвшиндээ МАН бүтэн хариуцлагаа хүлээе. Шат шатандаа хичээн зүтгэж, итгэлийг зүтгэлээр хариулах болно." гэлээ.
Ийнхүү Аймаг, нийслэл, сум, дүүргийн ИТХ-ын төлөөлөгчөө сонгох 2020 оны ээлжит сонгуулийн сурталчилгаа улс орон даяар эхэлж байгаа бөгөөд 10 дугаар сарын 13-ны 00 цагт дуусна. Харин 10 дугаар сарын 15-ны өдөр санал хураалт болох юм.