УИХ-ын өнөөдрийн \2020.10.02\ үдээс хойших чуулганы хуралдаанаар өвөлжилтийн бэлтгэл ажлын талаарх Монгол Улсын Шадар сайдын мэдээллийг сонсож байна.

УИХ-ын гишүүн Д.Сумъяабазар байр сууриа хэллээ.

Улаанбаатар хоттой холбоотой хэд хэдэн зүйлийг сануулж хэлье. Өвөлжилтийн бэлэн байдлын асуудал ялангуяа Нийслэл УБ хот, Засгийн газарт байгаа салбар хоорондын уялдаа холбоог маш сайн холбож ажиллах ёстой. Өнөөдөр зөвхөн хотын хүмүүс л хотын асуудлыг шийдэх ёстой биш. Улаанбаатар хотод эдийн засгийн бараг 68 хувь нь явж байгаа. 130.000 орчим аж ахуй нэгжүүд Монгол улсад үйл ажиллагаа явуулдаг. Түүний бараг 75 хувь нь хоттой холбоотой ажил амьдралаа холбож байгаа. Эргээд мөнгөний эргэлтийн 85 хувь, хүн амын 50 хувь нь Улаанбаатар хотод амьдарч байна. Тэгэхээр хотын дулаан хангамжийн асуудал, өвөлжилтийн бэлэн байдалд онцгой анхаарч ажиллах ёстой. Нэн түрүүнд түлш, дулаан, түгжрэлийн асуудлууд байна. Хот томрох хэрээр асуудлууд хуримтлагдсан хот болж байна. Хоттой холбоотой асуудал дээр Засгийн газар онцгой анхаарч, дэмжлэг үзүүлэх хэрэгтэй. Хариуцаж байгаа салбарын сайдууд хотын үйл ажиллагаатай амьд холбогдож явах ёстой.
Хотын зүгээс хийх ёстой гүйцэтгэл дээр анхаарахгүй бол 11.000 өрхийн асуудал яригдаж байна. Үүний цаана 30.000 иргэдийн асуудал байна. 30.000 иргэдийн дулаан, эрүүл, амьдралын орчинг сайжрах асуудлууд үүсч байна. Хот бол эх орны зүрх болсон хамгийн чухал объект. Хүн амын төвлөрөл их байна. Бүгд хотод амьдарч байна. Хот гэдэг бол айл учраас хамтдаа шийдэх асуудлууд дээр онцгой анхаарч явах ёстой. Бид 6 сарын дотор л зохицуулж явахгүй бол бүх юм жилээр хойшилдог. Дулаан хамгаалалт, түлш, тээвэрлэлт, түгээлтийн цэгүүд, чанартай холбоотой асуудлууд бүгд Засгийн газрын үүрэх ачааны 50 хувь бол хот мөн. Тэгэхээр хотын удирдлагууд Ж.Батбаясгалан, Л.Гантөмөр дарга нар үүнд онцгой анхаарч, гүйцэтгэлтэй сайн хийх хэрэгтэй. Иргэд итгэл хүлээлгэж биднийг сонгосон. Өвөл болохоос өмнө амжуулах ёстой ажлуудаа амжиж дуусгах ёстой. Хотын бие даасан эдийн засаг, төсөв санхүүгийн асуудлаа нэмэгдүүлэх хэрэгтэй.

Улаанбаатар хотын өвөлжилтийн бэлтгэлийг сайн гүйцэтгэлтэй, шуурхай хийх хэрэгтэй байна