НИТХ-ын сонгуулийн 12 дугаар тойрогт МАН-аас нэр дэвшигч Г.Төгөлдөр, М.Говьсайхан нар Сонгинохайрхан дүүргийн нэгдсэн эмнэлэг болонхороодын өрхийн эрүүл мэндийн төвийн эмч, эмнэлгийн ажилтнуудыг хүлээн авч уулзлаа. Уулзалтад УИХ-ын гишүүн Б.Жаргалмаа, Эрүүл мэндийн дэд сайд Ш.Анхмаа, Сонгинохайрхан ДИТХ-д нэр дэвшигчид хамт байлцлаа.

СХД-ийн хүн амын тоо сүүлийн 20 жилд 2 дахин өссөн. Хөдөө орон нутгаас шилжин ирж суурьшигчдын асуудал дүүргийн хувьд тулгамдсан асуудал болж байна. Шилжин ирэгсэд нь дэд бүтэц хөгжөөгүй, зөвшөөрөлгүй газарт суурьших нь тэдний эрүүл мэнд, аюулгүй байдлыг улам эмзэг болгож байна. Тус дүүргийн нийт өрхийн 26.2, хүн амын 46 хувь нь ядуурлын шугамаас доогуур хэрэглээтэй байна.

МАН-аас энэ удаагийн аймаг, нийслэл, сум, дүүргийн ИТХ-ын сонгуульд дэвшүүлж буй мөрийн хөтөлбөрт СХД-ийн хэмжээнд эрүүл мэндийн үйлчилгээний чанар хүртээмжийг сайжруулах зорилт тусгагдсан. Эмнэлэг, өрхийн эрүүл мэндийн төвүүдийн хүчин чадал, тоног төхөөрөмжийг сайжруулж, хүн амын дундах халдварт ба халдварт бус өвчлөлийг бууруулан эх, хүүхдийн эндэгдлийг багасгана. Иргэдэд эрүүл, зөв хооллох, стрессээ удирдах, хөдөлгөөний хомсдлоос сэргийлэх эрүүл мэндийн боловсрол олгоно гэж заажээ.

Тухайлбал,

ӨЭМТ-ийн үйл ажиллагааг дэмжи эмч, эмнэлгийн мэргэжилтний ур чадварыг нэмэгдүүлэх, тогтвор суурьшилтай ажиллуулах, хувьсах зардлыг төрөөс бүрэн хариуцдаг болно
Жишиг эмнэлгийг ашиглалтад бүрэн оруулж, төрөх болон мэс заслын тасгийг нээн ажиллуулна.
ӨЭМТ-ийн жишиг төвийг байгуулах ажлыг олон улсын байгууллага, төсөл, хөтөлбөртэй хамтран хэрэгжүүлнэ.
Эрүүл мэндийн 2 дугаар амбулаторийг шинээр барьж ашиглалтад оруулна.
Эрүүл мэндийн 2 дугаар шатлалын тусламж, үйлчилгээ үзүүлж байгаа эрүл мэндийн байгууллагуудыг нарийн мэргэжлийн эмч, чадвардаг боловсон хүчнээр хангах, сургах, дадлагажуулах ажлыг үе шаттай хэрэгжүүлнэ.
Иргэдийн эрүүл мэндийн боловсролы нэмэгдүүлэх нийгмийн эрүүл мэндийн төвийг байгуулна.
“Эрүүл залуус-эрүүл гэр бүл” хөтөлбөрийг хэрэгжүүлж, өсвөр үе, залуус гэр бүл, цэргийн насны залуучуудын эрүүл мэндийн боловсролыг дээшлүүлнэ зэрэг эрүүл мэндийн салбарт чиглэсэн томоохон бүтээн байгуулалт, эмч эмнэлгийн ажилтануудаа дэмсэн, иргэдийн эрүүл мэндийн үйлчилгээг хүртээмжтэй амах нөхцөлийг бүрэн бүрдүүлэх юм байна.

УИХ-ын гишүүн Б.Жаргалмаа:

“УИХ-ын ээлжит бус чуулганаар эрүүл мэндийн салбар, иргэдийн өмнө тулгамдаж байсан олон асуудлуудыг шийдэх томоохон хууль тогтоомжуудад нэмэлт, өөрчлөлт оруулж баталсан. Ингэснээр иргэд эрүүл мэндийн үйлчилгээг тэгш, хүртээмжтэй авахаас гадна эмч, эмнэлгийн ажилтнуудын өмнө тулгардаг асуудлууд ч нэг дор шийдэгдэх боломжтой болсон. Эрүүл мэндийн тухай, Эрүүл мэндийн даатгалын тухай, Эм, эмнэлгийн хэрэгслийн тухай хууль, Нийгмийн даатгалын тухай хуулиудад орсон нэмэлт, өөрчлөлт 2021.01.01-ний өдрөөс хэрэгжиж эхлэх юм.”

Эрүүл мэндийн дэд сайд Ш.Анхмаа:

“Дээрх хуулиуд хэрэгжиж эхэлснээр бүх шатны эмнэлэг, эмийн сан, иргэдийг холбосон цахимжуулалт хийж иргэдийн бухимдал чирэгдлийг бууруулах, төрийн хүнд суртлыг арилгах, эрүүл мэндийн даатгалын сангийн үр ашгийг сайжруулах боломжтой болсон. Мөн эмнэлэг нэг иргэн үйлчилгээ үзүүлээд олон шат дамжлагаар даатгалаас мөнгийг нь авдаг байсан бол энэ асуудал нэг шугамаар шийдэгдэх боломжтой болжээ. Ингэснээр тухай эмнэлэг төсвөө захиран зарцуулах эрхтэй бөгөөд эмч, ажилтнуудынхаа цалинг нэмэгдүүлэх боломж нээгдсэн.”

Өнгөрсөн 4 жилийн хугацаанд Сонгинохайрхан дүүргийн эрүүл мэндийн 14 дүгээр төвийн өргөтгөлийн барилга, 19 дүгээр хороонд жишиг эмнэлгийг барьж ашиглалтад оруулаад байгаа юм. Ирэх 4 жил МАН-аас нэр дэвшигчид нийслэл, дүүрэг хорооныхоо хэмжээнд эрүүл мэндийн байгууллага, эмч, мэргэжилтнүүдийн нийгмийн хамгааллын чиглэлд илүү анхаарч ажиллан, цалинг нэмэгдүүлэх боломж нөхцөлийг судлан ажиллахаа илэрхийллээ. Багаар нь дэмжиж, бүтэн итгэл хүлээлгэн, бүрэн хариуцлага шаардана гэдгээ ч эмч нар хэлж байлаа.

Эмч, эмнэлгийн ажилтнуудтай уулзлаа

Эмч, эмнэлгийн ажилтнуудтай уулзлаа