УИХ-ын чуулганы өнөөдрийн \2020.10.08\ нэгдсэн хуралдаанаар Кино урлагийг дэмжих хуулийн төслийг хэлэлцэх эсэхийг хэлэлцэж байна.

Хэлэлцэж буй хуулийн төсөлтэй холбоотойгоор УИХ-ын гишүүд хуулийн төслийн санаачлагчидаас асуулт асууж, санал хэллээ.

УИХ-ын гишүүн Ц.Даваасүрэн: 

"Бидний анхаарах ёстой зүйл бол телевизээр гарч байгаа кинонууд юм. Залуучууд Солонгос киног үзэж ааш муутай хүмүүсийн зан авирыг амьдрал дээр хэрэгжүүлж байна. Гадны ёс зүйгээр төлөвшиж эхэлж байна. Солонгос киногоор залуу үеэ хөгжүүлж байна. Нийгмийн болж бүтэхгүй байгаа зүйлд шашин, урлаг хоёр маш чухал үүрэг гүйцэтгэдэг. Эх оронч хүмүүжлээр хүүхдээ хүмүүжүүлье гэвэл мөнгийг чухалчилдаг биш, хүний үнэ цэнийг чухалчилдаг байх. Авъяастай Монгол хүнээ хайрладаг болъё гэвэл соёл урлагт бид мөнгө хаях хэрэгтэй. Тэгж байж зөв төлөвшил, ухаарал бий болно. Авъяастай эх орондоо ихийг бүтээх хүмүүсийг үнэлэхээ больсон байна. Тэр хүмүүс нь гадаад руу гараад явсан байна. Үлдсэн нь эндээ фэйсбүүкээр амьдарч байна. Ухаарлыг тайз, дэлгэцнээс авах ёстой. Бид янз бүрийн хөтөлбөрийг хуулиар хангалттай үйлдвэрлэж гаргасан амьдрал дээр хэрэгждэггүй. Үүний баталгаа нь юу байна вэ?  Тухайлбал жил бүрийн төсвийн хэдэн хувийг кино урлагт зарцуулж байна вэ? Ямар нэг хэмжээний санхүүгийн хөшүүрэг хуулийн заалтад бий болсон уу?" 

Соёлын сайд С.Чулуун асуултад хариуллаа.