2020.10.08

Ж.Сүхбаатар: Кино урлаг УИХ-ын бодлогын тэргүүлэх чиглэлийг барьж явах нь зүйтэй

УИХ-ын чуулганы өнөөдрийн \2020.10.08\ нэгдсэн хуралдаанаар Кино урлагийг дэмжих хуулийн төслийг хэлэлцэх эсэхийг хэлэлцэж байна.

Хэлэлцэж буй хуулийн төсөлтэй холбоотойгоор УИХ-ын гишүүд хуулийн төслийн санаачлагчидаас асуулт асууж, санал хэллээ.

УИХ-ын гишүүн Ж.Сүхбаатар: 

"20-р зуун бол кино урлагийн зуун байсан гэж ярьдаг. Одоо 21-р зуун бол дижитал. Киноны түвшин өөрчлөгдөж байна. Кино урлагийг дэмжих гэхээр том гарчигтай хууль болчих гээд байгаа. 10 тэрбум төгрөг энэ жил тусгасан гэсэн. Мөнгө тавьчихаар хүн бүхэн бид урлагийн бүтээл туурвиж байгаа гэдэг. Миний youtube дээрх контент нэг саяын үзэгчтэй, гэтэл тэр хүний хийсэн кино болохоор 10.000 хүн л үзсэн байна гэх жишээтэй. Мөнгө төгрөг булаацалдсан тийм зүйл болох вий.

Брэндийн зөвлөл гэж засгийн газрын хэрэг эрхлэх газар дээр байгуулагдсан. Монгол брэндконтентийг бүтээх хэрэгтэй. Засгийн газрынхаа тухайн үеийн УИХ-ын бодлогын тэргүүлэх чиглэлийг барьж явах нь зүйтэй. Кино урлагийг дэмжих хууль гарлаа гэхэд гол чиглэлээ дагаж явах ёстой. Брэндийн зөвлөл, Соёлын яам хоёр яаж уялдах вэ. Кино урлаг Монгол брэндийг яаж бий болгох вэ гэдэгт анхаарах хэрэгтэй. Кино театрт орж үздэг соёл нилээн идэвхтэй болсон. Кино урлаг сүүлийн таван жилд нилээн чансаажиж байна. Энэ хууль бага зэрэг хумилттай явахгүй бол цаад утгаараа өргөн юманд орж явахаар хууль хийчихвэл бас болохгүй юм. Олон нийтийн хэлэлцүүлгийг хийсэн ч, чадлаасаа давсан юм хийх гэж зүтгэж болохгүй гэдгийг анхаарах хэрэгтэй."