УИХ-ын Эдийн засгийн байнгын хорооны өнөөдрийн /2020.10.21/ хуралдаан эхэллээ. Хуралдаанаар Төрөөс мөнгөний бодлогын талаар 2021 онд баримтлах үндсэн чиглэл батлах тухай Улсын Их Хурлын тогтоолын төсөл /Засгийн газар 2020.09.25-ны өдөр өргөн мэдүүлсэн/-ийн анхны хэлэлцүүлгийг хийж байна.

Төсөлтэй холбогдуулан УИХ-ын гишүүд асуулт асуулаа.

УИХ-ЫН ГИШҮҮН Ц.ДАВААСҮРЭН АСУУЛТ АСУУЛАА.

"Валютын ханш саяхан 2400₮ байсан жилийн дотор 2800₮ болж байна. Үүнийг та бүхэн тогтвортой байна гэж үзэж байна уу? Та нар хэдэн төгрөгөөр бараа бүтээгдэхүүний үнэ өсөж байгаа гэж бодож байна. Доллар ахих тусам ядуу иргэдийн тоо нэмэгдэж байна. Валютын ханш дээр эзэн байхгүй бид хариуцахгүй гэдэг болсон. Эрэлт нийлүүлэлтээрээ зохицуулна гээд хаясан байна. Үүнийг хариуцах эзэн нь хэн бэ? Импортыг орлох бүтээгдэхүүнийг хийх, мөнгөний бодлого явуулах, бизнесийн салбарыг дэмжих бодлого хаана, хэнд байна вэ? Валютын ханш ингээд өсөөд байх уу? Банкнаас өөр хэн байна вэ? Экспортын салбарыг хэн дэмжих вэ? Хар гар гэж хэн байна вэ?"

Түүний асуултад Монголбанкны Дэд ерөнхийлөгч Г.Дөлгөөн хариуллаа.