Даваасүрэн.Ц 2020.10.23 | Vip76.mn

Ц.Даваасүрэн: Виз олголтод асуудал байгаа бол УИХ хуулиар шийдвэрлэж өгнө

УИХ-ын чуулганы хуралдаан эхэллээ. Хуралдаанаар Засгийн газар 2020.03.05 өдөр өргөн мэдүүлсэн Гадаадын иргэний эрх зүйн байдлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүүдийг хэлэлцэх эсэх асуудлыг хэлэлцэж эхэллээ.

Хуулийн төсөлтэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн Ц.Даваасүрэн:

Ноцтой асуудлуудыг гурав дөрөв хоног яриад мартдаг байдлыг зогсоох хэрэгтэй байна. Тулгараад байгаа асуудлаа их хуралд оруулж ирж шийдвэрлэх ёстой.  Төрийн ажлыг хувийн ашиг сонирхлоор ашиглаад байвал ёс зүйн хороо, байнгын хороог ялангуяа тусгай албадын удирдах ажилтнуудын ёс зүйтэй холбож үзэж ярьдаг журмыг ойрын үед яаралтай хийх хэрэгтэй. 

Тусгай байгууллагуудын удирдлагууд ёс зүйн алдаа гаргавал тэрийг нь шууд гүйцэтгэх ажил хийж мөрдөн шалгадаг болгох хэрэгтэй байна. Гүйцэтгэх ажлын нууц гэж бүгдийн амыг таглаж сууж болохгүй. 800 хүнийг оруулж ирсэн нь хэний шахаас байсан бэ? Виз олголтын асуудал Гадаад харилцааны яаманд буруу байгаа бол бид түүнийг чинь шийдвэрлье. Асуудлаа шийдвэрлэх гэж байгаа бол бидэнд мэдээллээр хангаснаар асуудлыг хурал шийдвэрлэж өгнө.