УИХ-ын чуулганы өнөөдрийн /2020.10.23/ нэгдсэн хуралдаанаар "Эм, эмнэлгийн хэрэглэгдэхүүний тухай хуулийн шинэчилсэн найруулга"-ын төслийг үзэл баримтлалын хувьд хэлэлцэх эсэхийг хэлэлцлээ. 

Хуулийн төслийн хэлэлцүүлгийн үеэр УИХ-ын гишүүд санал хэллээ.

УИХ-ын гишүүн Б.Баярсайхан:

"Хуулийн төслийг хэлэлцэхийг дэмжиж байна. Ажлын хэсгээс асуух 3 зүйл байна.

Монгол Улсад малын эмийн ганц үйлдюэр Биокомбинат нь малын халдварт өвчний бэлдмэлийг үйлдвэрлэдэг. Үүний түүхий эдийг 100% дотоодоосоо хангаж чаддаг уу? Үгүй бол хаанаас хангадаг вэ? Энэ тал дээр хяналт хэн тавьдаг вэ? Гадаадаас авсан түүхий эд нь тухайн улсдаа хэрэглээнд одоо байдаг уу? Үгүй бол зөвхөн манай улсад зориулан нийлүүлэгдэж байна уу? эм бэлдмэлүүд нь хүний эрүүл мэндэд махаар дамжин сөргөөр нөлөөлөх эсэхийг бид хянаж чадаж байгаа юу?

Манай улс гадаадад гарч байгаа малын гаралтай бүтээгдэхүүндээ тодорхой хэмжээнд хяналтаа тавьж чаддаг. Харин дотооддоо нийлүүлж байгаа түүхий эд, бүтээгдэхүүнд хяналт тавьж чадахгүй байгаа.  Үүнийг яаж зохицуулах вэ? Тиймээс энэ талын хяналт, зохицуулалт байх ёстой.

1. Малын эмийн жор бичилт, жороор олгох асуудал муу байна. Малчид эмийг дураараа авч малдаа хэрэглэх нь түгээмэл. Тиймээс малын махаар дамжин хүнсний аюулгүй байдал, эрүүл мэндэд сөргөөр нөлөөлж байгаа энэ байдалд авах арга хэмжээгээ хуульд сайн тусгаарай. Үүнтэй холбоотой ганц малчид малдаа эм авахаас гадна эцэг эхчүүд хзүртэл үр хүүхэддээ эм сонгож авахдаа борлуулалт хийх сонирхолтой байгаха эмийн сангаас жоргүйгээр эм худалдан авдаг. Тиймээс эмийг хэрхэн олгох чиглэлд хуульдаа зохицуулалт сайн оруулаарай.

Хэвтэн эмчлүүлэгчдийн ихэнх нь гаднаас эм авч хэрэглэх тохиолдол хот төдийгүй нийслэлд ч бий. Эмийн хүртээмж муу, хангалтын төсөв бага тухай бусад гишүүд хэллээ. Цаашид орон нутагт ч эмнэлэгт хэвтэн эмчлүүлэгсэд эмийн хүртээмжтэй байдлыг хангах чиглэлд анхаараарай."