Нийслэлийн Засаг дарга бөгөөд Улаанбаатар хотын Захирагчаар томилогдсон Д.Сумьяабазар өнөөдөр тамгаа гардан авлаа.

Түүнд хотын даргын тамгыг НИТХ-ын дарга Ж.Батбаясгалан гардуулав. 

Тамга гардуулах ёслолд Монгол Улсын сайд, ЗГХЭГ-ын дарга Л.Оюун-Эрдэнэ, дэд дарга У.Бямбасүрэн болон хотын удирдлагууд оролцлоо.     

НИТХ-аас Д.Сумъяабазарыг нийслэлийн Засаг дарга бөгөөд Улаанбаатар хотын захирагчаар томилох саналыг Монгол Улсын Ерөнхий сайдад хүргүүлсний дагуу захирамж гаргаж, хотын даргаар томилоод байна.