Улсын Их Хурлын гишүүн Д.Сумъяабазар Монгол Улсын Их Хурлын тухай хуулийн 10 дугаар зүйлийн 10.1.2-т заасны дагуу 2020 оны 10 дугаар сарын 23-ны өдөр чөлөөлөгдөх хүсэлтээ Улсын Их Хуралд ирүүлжээ. Төрийн байгуулалтын байнгын хороо уг хүсэлтийг Монгол Улсын Үндсэн хуулийн Хориндолоо дугаар зүйлийн 27.6, Монгол Улсын Их Хурлын тухай хуулийн 10 дугаар зүйлийн 10.3 дахь хэсгийг тус тус баримтлан хэлэлцжээ. Хуралдаанд оролцсон гишүүдийн олонх хүсэлтийг хүлээн зөвшөөрөх нь зүйтэй хэмээн үзсэн бөгөөд УИХ-ын чуулганы баасан гарагийн /2020.10.23/ нэгдсэн хуралдаанаар хэлэлцэн шийдвэрлэсэн юм. 

Улсын Их Хурлын гишүүн Ж.Сүхбаатар саналаа хэллээ.

"Хууль зүйн талаас яриад байдаг. Ер нь бол бид албан тушаалд очих процесс нь сонгуулийн буюу томилолтын гэж хуваана. Соынгуульд нэр дэвшихэд нэг хязгаарлалт бий. Төрийн жинхэнэ албан хаагч гэсэн хязгаарлалт бий. Улс төрийн албан тушаалтан сонгуульд хязгаарлалтгүйгээр байгаа албан тушаал дээрээ оролцдог. Томилолтын албан тушаалд тодорхой албан тушаалыг хавсарч болохгүй гэсэн хязгаарлалт бий. Гэхдээ томилогдохоос өмнө, эсвэл томилогдонгуутаа чөлөөлөгддөш процесс бий. Д.Сумъяабазар гишүүний хувьд нутгийн өөрөө удирдах байгууллагад нэрийг нь дэвшүүлж байгаа үйл явц. Эрх зүйн утгаараа нэр дэвшигч гэж яриад УИХ-ын гишүүнтэй хавсарч байгаа зүйл биш. Томилогдоод явсан бол хууль зөрчинө. Харин тиймгүй учраас хууль зүйн зөрчил үүсэхгүй.

Улс төрийн албан тушаалтан юм. Улсын бодлого томилолтоор явдаг. НИТХ гэдэг бол УИХ-тай адил иргэдийн төлөөллийн байгууллага. Нийслэлийн МАН гээд орон нутгийн сонгуульд олонхийн итгэлийг авсан. Итгэл дэмжлэг, намын хамт олны бодлого шийдэл энэ хүнийг томилолт өгөөд УИХ-ын төлөөллийн байгууллагаасаа Нийслэлийн түвшинд гүйцэтгэх байгууллагад ажиллуулахаар томилогдон явж байгаа юм. УЛс төрчийн тавилан бол улс төрийн хүчний бодлого сонголтоор явдаг.

1993 онд М.Энхсайхан гишүүн Ерөнхийлөгчийн тамгын газар даргаар томилогдох гээд УИХ-ын гишүүнээсээ чөлөөлөгдсөн. Тэглээ гээд дээш доош асуудалгүй. Тэр нь улс төрчийн сонголт, намын бодлогын асуудал.

Харин энэ удаагийн тохиолдол бол бодлого төлөвлөгөө байсан учраас олон түмэн ийм их итгэлийг өгч байгаа хэрэг юм. МАН-ын удирдах байгууллага ч тэр төрийн шат шатанд хариуцлагатай ажилласан, арвин их туршлагатай хүнээ илгээсэн нь нийслэлийн тулгамдсан асуудлуудыг шийдэх бодлоготой яв цав тохирч байгаа юм. Хувь хүний хүсэл, зоригоос хамаараагүй юм. Амжилт хүсэхээс илүү хамтран ажиллах болно. Хуулийн төслүүд дээр хамтран ажиллах болно. Бодлогын холбоос, нэгдмэл байдлыг хангаж ажиллана."