Ж.Чинбүрэн 2020.10.27 | УИХ-ын Хэвлэл мэдээллийн алба

Эм, эмнэлгийн хэрэглэгдэхүүний тухай хуулийн төслийн ажлын хэсгийг Ж.Чинбүрэн ахална

Эм, эмнэлгийн хэрэглэгдэхүүний тухай хуулийн төслийн ажлын хэсгийг Ж.Чинбүрэн ахална

Улсын Их Хурлын Нийгмийн бодлогын байнгын хорооны өнөөдрийн /2020.10.27/ хуралдаан 10 цаг 18 минутад 70.6 хувийн ирцтэй эхэллээ.

Хурлаар Эм, эмнэлгийн хэрэглэгдэхүүний тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцүүлэгт бэлтгэх Ажлын хэсгийг байгуулах асуудлыг хэлэлцэв. 

Улсын Их Хурлын гишүүн Ц.Мөнх-Оргил амьдралд нийцсэн хууль батлахын тулд Ажлын дэд хэсэгт эмийн сан, эм үйлдвэрлэгч, импортлогч зэрэг хувийн хэвшлийн төлөөллийг бүх чиглэлээр нь оруулах болон Ажлын хэсгийг Улсын Их Хурлын гишүүн Ж.Чинбүрэнгээр ахлуулан байгуулах санал гаргасныг Улсын Их Хурлын гишүүн Д.Сарангэрэл, М.Оюунчимэг нар дэмжиж байр сууриа илэрхийллээ. Ингээд Ажлын хэсгийг Улсын Их Хурлын гишүүн Ж.Чинбүрэнгээр ахлуулан байгуулахаар шийдвэрлэлээ.