Ш.Анхмаа: Тусгаарлах байранд ажилласан 68 резидент эмчид тус бүр нэг сая төгрөгийн урамшуулал олгож байна
2020.10.29

Ш.Анхмаа: Тусгаарлах байранд ажилласан 68 резидент эмчид тус бүр нэг сая төгрөгийн урамшуулал олгож байна

“COVID-19” цар тахлаас сэргийлэхэд манлайлан ажилласан резидент эмч нарт мөнгөн урамшуулал олгох үйл ажиллагаа өнөөдөр Эрүүл мэндийн хөгжлийн төвд боллоо.

Энэ үеэр Эрүүл мэндийн дэд сайд Ш.Анхмаа "2020 оны гуравдугаар сарын 2-ны УОК-ын шийдвэрийн дагуу COVID-19 цар тахал орж ирсэнтэйгээр холбогдуулан резидент эмч нарыг дайчлан ажиллуулж эхэлсэн.

Өнөөдрийг хүртэл нийт 792 резидент эмч 200 гаруй удаагийн давтамжтайгаар тусгаарлан ажиглах байранд байгаа иргэдэд эмчилгээ, үйлчилгээ үзүүлсэн.

Резидент эмч нарыг үе шаттайгаар урамшуулж, өнөөдөр 68 резидент эмчид тус бүр нэг сая төгрөгийг олгож байна.

Нэг гэр бүлийн хоёр резидент эмч 2-3 насны нялх хүүхдээ орхиод 21 хоногийн тусгаарлалтад ажиллаж байгаа тохиолдол ч цөөнгүй бий. Эдгээр хүмүүст онцгойлон урамшуулал өгч байна.

2021 оноос резидент эмч нарыг цалинтай болгох шийдвэр гарсан байгаа" гэв.