УИХ-ын өнөөдрийн \2020.11.06\ нэгдсэн чуулганаар Монгол Улсын Хүний эрхийн Үндэсний Комиссын болон Эрүү шүүлтээс урьдчилан сэргийлэх асуудал эрхэлсэн гишүүнийг сонгох асуудлыг хэлэлцэж байна.

Хэлэлцүүлгийн үеэр гишүүд асуулт асууж, саналаа хэллээ.

УИХ-ын гишүүн М.Оюунчимэг

Олон нийтийн сүлжээ дэх хүчирхийлэл маш хүчтэй сөрөг үр дагавар бий болгож байна. Монголд өнөөдөр хүчээ аваад улс төр, эдийн засаг, хүүхэд хамгаалал, ажлын дарамтаас, нэгнийхээ нэр төр рүү халддаг байдал буруу замаар явж байна. Хүний эрхийг хамгаалахаар гарч байгаа хууль дүрэм хамгийн чухал анхаарах зүйл юм. Шинэ гишүүдийн хувьд хүний эрхийг бүх түвшинд хамгаалах тал дээр хууль эрх зүйн орчин, ажиллах орчин, өөрийн чинь биеэ даах чадвар бий юу?

Цар тахлын амаргүй энэ үед эмэгтэйчүүд хамгийн их хохирч, жендерийн тэгш бус байдал хөдөлмөрийн зах зээл дээр, төр засгаас явуулж байгаа бодлогын гадуур үлдэх тал дээр 67 хувь нь эмэгтэйчүүд байна. Монголчууд эмэгтэйчүүдээ дээдэлдэг, эмэгтэйчүүдийн хувьд тэгш эрхтэй юм шиг хэрнээ яг шийдвэр гаргах түвшин, бодлого тодорхойлоод суухад тэнд 10 эрэгтэйн дунд ганцхан эмэгтэй байдаг. Салбар бүрт хүний эрх зөрчигдөж байна.

Түүний асуултанд Хүний Эрхийн Үндэсний Комисст нэр дэвшигчийн төлөөлөл хариуллаа.

УИХ-аар батлагдсан ХЭҮК-ийн шинэ хуулиар энэ боломжийг олгосон. Хуулийн бүх нөөц боломжийг ашиглаж ажиллана. Нэр дэвшигчийн хувьд туршлага мэдлэгийн хувьд бүрэн боломжтой гэж харж байна.

М.Оюунчимэг: Хүний эрхийг бүх түвшинд хамгаалахад хууль эрх зүй, ажиллах орчин, биеэ даах чадвар бий юу?