2020.11.19

Ж.Сүхбаатар: Автобусаар үйлчлүүлэх нь ариутгахад хялбар бас аюулгүй байгаа юм

УИХ-ын чуулганы өнөөдрийн \2020.11.19\ нэгдсэн хуралдаанаар "Коронавируст халдвар /КОВИД-19/-ын цар тахлаас урьдчилан сэргийлэх, тэмцэх чиглэлээр Монгол Улсын Засгийн газраас авч хэрэгжүүлж байгаа ажлын явц, үр дүн, цаашид авч хэрэгжүүлэх арга хэмжээний талаар" мэдээллийг сонсож байна.

Мэдээлэлтэй холбогдуулан УИХ-ын гишүүд асуулт асууж байна. 
УИХ-ын гишүүн Ж.Сүхбаатар асуулт асуулаа:

Төмөр зам дагасан халдвар тархаж байна гэлээ. Монгол Улсын гол экспорт, импорт Төмөр замаар орж гарч байгаа. Одоо зургаан газарт цар тахлын голомт үүссэн байна. Үүн дээр яг онцгойлон анхаарч байгаа зүйл байна уу?

Хяналттай орчинд бид цар тахлыг алдаад байна. Цаашдаа бид яах вэ? Шинж тэмдэг нь илэрээгүй хүмүүс их явж байгаа учраас үүрэг хариуцлагыг нь шууд сануулах ёстой. Сүүлийн үед бид тээврийн хөдөлгөөний тухай их ярьж байна. Тээврийн хөдөлгөөн дээрээ тайлбараа зөв хийж чадахгүй байна. Автобусаар яагаад явахад хялбар байгаа гэхээр ариутгахад амархан бас цөөн тоогоор үйлчлүүлэх хэрэгтэй гэдгийг тайлбарлах хэрэгтэй. 

Дүүргүүд дээр хэчнээн хүн тусламж авах тооцоо гарч байна вэ?

Ломбардны асуудал хүнд байгаа яаж арга хэмжээ авах вэ? 

Түүний асуултанд Шадар сайд Я.Содбаатар хариуллаа.

Улаанбаатар хотод хоёр голомт гарсан давтан шинжилгээгээр баталж барьсан. Төмөр замын асуудлыг хумиж авах тал дээр ажиллаж байна. Төмөр замтай холбоотой хамаарал бүхий 955 хүнээс 945-ыг нь шинжилгээнд хамруулсан.