Ц.Туваан 2020.11.19 | Vip76.mn

Ц.Туваан: Ерөнхийлөгчийн саналыг яагаад дэмжээгүй вэ?

УИХ-ын чуулганы өнөөдрийн \2020.11.19\ нэгдсэн хуралдаанаар "Коронавируст халдвар /КОВИД-19/-ын цар тахлаас урьдчилан сэргийлэх, тэмцэх чиглэлээр Монгол Улсын Засгийн газраас авч хэрэгжүүлж байгаа ажлын явц, үр дүн, цаашид авч хэрэгжүүлэх арга хэмжээний талаар" мэдээллийг сонсож байна.

Мэдээлэлтэй холбогдуулан УИХ-ын гишүүд асуулт асууж байна. 
УИХ-ын гишүүн Ц.Туваан асуулт асуулаа:

Хөдөө орон нутгийн гишүүд тойрогтоо очиж ажилламаар байна. Засгийн газрын шийдвэрүүд хэрхэн ажиллаж байгаа, хяналт тавих замаар ажиллах хэрэгтэй байна. Тусгай үүрэг гүйцэтгэгч болж тойрогтоо очиж ажиллаж болох уу?

УОК ойрын болон хэтийн тактик төлөвлөгөөгөө боловсруулсан уу? Юм бүхэнд нөхцөл байдал яаж эргэхийг мэдэхгүй байна гэж хариулж болохгүй. Хэн мэдэж асуудалд хандах вэ?

Засгийн газар өчигдөр Ерөнхийлөгчийн гол саналыг дэмжээгүй. Сангийн сайд яагаад дэмжээгүй вэ? Бэлнээр 180 тэрбумыг долларт шилжүүлвэл 63 сая доллар болно. Тусламж, хандивийн мөнгүүд ямар ч үлдэгдэлгүй зарагдаад дууссан юм уу? Жишээ нь ноолуурт хэдэн төгрөгийн урамшуулал өгсөн бэ?

Анагаах ухаанд яригддаг амьдралын заалт гэж байдаг. Энэ нь хүн амьд явахын тулд юу ч хийж болдог. Хатуу хөл хорионд байгаа иргэд одоо даарч, хөлдөж эхэлж байна. Хэрвээ ингээд үхвэл энэ асуудлыг хэн хариуцах вэ? 

Хүнсний талоны хэмжээг нь хэлж өгнө үү? Сайн дурынхан хоол унд хийж, хүнс тараая гэсэн хүсэлт дээр ямар арга хэмжээ авах вэ?

Энхсаран сувилал дээр ямар арга хэмжээ авах вэ?

Түүний асуултанд Шадар сайд Я.Содбаатар хариуллаа.

УИХ бүх нийтийн бэлэн байдлын зэрэгт шилжсэн үед хуульд зааснаар УОК-оос УИХ-ын ажиллагааг зогсоох ямар нэгэн зүйл байхгүй. Тойрогтоо ажиллахын хүрээнд УИХ гишүүн вирус тусахгүй гэх баталгаа байхгүй. Энэ цаг үе бол онцгой нөхцөл байдал гэдгийг анхаарах хэрэгтэй.

Стратеги төлөвлөлт бүгд гарсан байна. Нээлттэй байгаа учраас та бүхэн ороод үзэж болно. Бүх салбар дээр бэлтгэл байдал хангагдаад ажиллаж байна.  Хүнсний түгээлт бас л халдвар хамгааллын асуудалтай холбоотой. Тарааж байгаа хүн өөрөө халдвартай байгаад хүнс тараавал яах вэ? Халдвар хамгааллын нэгдсэн бодлого явж байгааг хүндэтгэж үзэхийг хүсье.